Pas 060.61.000 Qinngorput lagerhal-imut piukkunnartussarsiorneq

Ulloq:
16. aug 2021

Piukkunnartussarsiorneq pillugu qinnuteqaat:
Kingusinnerpaamik 10. sep 2021

Elektroniskimik tigusisussaq:
rneja@nukissiorfiit.gl

Paasissutissat uunga inniminnerneqassapput:
Reza H. Nejad
rneja@nukissiorfiit.gl

Paasissutissat piumasaqaatillu suut piukkunnartussarsiorneq pillugu qinnuteqaammut ilanngunneqarnissaannik paasissutissiilluni allakkiaq.
Elektroniskimik nassiunneqassaaq.

Toqqaaneq:
Suliffeqarfiit pingasut angullugit amerlassuseqartut neqeroorusiortussatut toqqarneqassapput. Nalunaaruteqarneq pissaaq 10. sep 2021

Apeqqutissaqaraanni taakkua tiguneqareersimassapput kingusinnerpaamik:
Pingasunngorneq 8. sep 2021

SANATITSISOQ

Nukissiorfiit matumuuna suliffeqarfiit soqutiginnittut Qinngutsinni illorsuarmut quersuaqarfissamut nutaamut nunagissaanermik betonngilerinermillu suliassat suliarinissaannut piukkunnartussarsiornissamut qaaqquai

Neqeroorusiortussatut piukkunnartussarsiarineqartut tamatuma kingorna ilaatigut suliassat suliarinissaannut siunnersuut tunngavigalugu sanaartornermi suliassanut neqeroorusiortinneqassapput.

ISUMAQATIGIISSUTIP ILUSAA

Suliassaq suliassanut immikkoortukkuutaarlugit suliarineqassaaq taakkualu sananeqassallutik ”Kalaallit Nunaanni sanaartornermik suliaqarnermi suliassanut tunniussassaundefinedu ataatsimut piumasaqaatit tunngavigalugit” (AP 95). Piumasaqaatit ”Immikkut ittumik piumasaqaatini” ilanngussat allannguutillu ilassutigalugit suliassani suliassamut tigussaasumut naleqqussarneqassapput.

SULINIUMMIK ALLAASERISAQ

Qinngutsinni quersuassamut, sannavimmik biilinillu inissiisarfimmik, quersuarmik kiisalu ataatsimoorussassanik imaqartussamut, nunagissaaneq betonngilerinerlu (toqqavik qalliutillu) suliarineqassapput.

Sanaartukkap bruttoetagemik annertussusia tassaavoq 240 m2miss.

Tamatuma saniatigut atanertussutsimik, avatangiisinut artukkiinermik kiisalu aserfallatsaaliinermik nalilersuinerit aallaavigalugit sanaartornermi atortussanik toqqaasoqassaaq.

PIFFISSAMUT SINAAKKUTISSAQ

Neqeroorusiornermi atortussanik nassiussineq sep. 2021
Suliarinnittussanik toqqaaneq sep. 2021
Sanaartornerup aallartiffissaa okt. 2021
Sanaartukkamik tunniussineq nov. 2021

PIUKKUNNARTUSSARSIORNEQ

Suliffeqarfiit soqutiginnittut allaffigineqartussatut nalunaarneqartumut allakkatigut saaffiginninnerik kingorna paasissutissanik aamma immersugassamik piukkunnartussarsiarineqarnissamut piumasaqaatinik imalimmik nassinneqassapput.

Suliffeqarfiit Issittumi assingusunik sanaartornermik misilittagaqartut kisimik isiginiarneqassapput. Suliffeqarfik isiginiarneqarsinnaassappat tamatuma saniatigut tulliuttut uppernarsarneqarsinnaassapput:

  • Akileraartarnermut Aqutsisoqarfimmit amerlanerpaanik 100.000 kr.-nik akilerneqareersimasussanik akiitsuqarnermik nalunaarut.
  • Aningaaserivimmit imaluunniit sillimmasiisarfimmit qinnuteqartup AP 95 naapertorlugu qularnaveeqqusiinissamut periarfissaqarneranik nalunaarut.

Suliariumannittussarsiuussinermi tunniussinissamut piumasaqaat tassaassaaq ”neqeroorut aningaasaqarnikkut iluaqutissaanerpaasoq”.