Nukissiorfinni akiliinermut akitsuutit nutaat

Nukissiorfiit allaffissornermut akitsuutinik aalajangersimasimasunik atuutilersitsivoq qaammammut 20 koruunit taakkua atuisartunit tamanit akilerneqartassapput. Atuisartut akiligassamik allakkatigut nassinneqartartut imaluunniit akiligassiissummik FI-kort (akiligassaq allakkerivikkut akilerneqartussaq) atorlugu qaavatigut 25 koruuninik akitsuuserneqassapput.

Allaffissornermut akitsuut
Allaffissornermut akitsuut 20,00 koruuninik annertussuseqarpoq tullianilu akiligassiissummi takuneqarsinnaassaaq, tassani juunimi atuineq akilerneqartussaavoq aamma atuisartut taanna 2019-imi juulimi tigusussaasaanni.

Allaffissornermut akitsuummi Nukissiorfiit akiligassiissutinik suliaqartarneranut, kisitsisinik passussineranut, nassiunnermut aamma akiliuteqarnerup nalunaarutigineqarneranut takussutissiisuuvoq. Assersuutissatut Nukissiorfinnit ilisimatitsissutigineqarsinnaavoq nunatsinni ingerlatsiviit allarpassuit nalinginnaasumik 40 koruunit missaannik annertussuseqartumik allaffissornermut akitsuuteqartitsisarmata imaluunniit akiligassiissummut akitsuuteqartitsisarlutik.

Allakkatigut akiligassamut akitsuut
Tamatuma saniatigut akitsuut 25 koruunit ilassutigineqassapput aningaaserivikkut akiliisarneq  Betalingsservice (siornatigut PBS) atorneqanngippat. Akiitsuut taanna 1. augusti atuutilissaaq aamma akiligassiissummi takuneqarsinnaassalluni, tassa septembarimi nassiunneqartussami. Tamatumunnga tunngaviusoq tassaavoq Nukissiorfiit akiligassiissutinut pappiaqqanut tunngatillugu allannerannut, poortornerannut annertuumik atuisarnerat. Sullittakkat aningaaserivikkut akiliisarneq atulerunikku akitsuut taanna pinngitsuussavaat.

Akitsuut pinngitsooruk
Nukissiorfinnit atuisartunut periarfissiissutigineqarusuppoq akiligassiissummik pappiaqqamik tigusineq pissutigalugu akitsuummik akiliisarneq. Taamaattumik akitsuut aatsaat augustimi atuuttussaalissaaq. Taamaalillutik atuisartut aningaaserivik aqqutigalugu akiliisarnermut suli ilanngussimanngitsut ilanngunnissaminnut periarfissaqassapput taamaaliornermikkullu akitsuut 25 koruuninik annertussusilik pinngitsoorlugu. Atuisartoq aningaaserivik aqqutigalugu 31. augusti sioqqullugu akiliinissamut ilannguttut akitsuummik akiliisaanngillat. Atuisartut aningaaserivik aqqutigalugu akiliisarnermut ilanngutereersimasut iliuuseqartariaqanngillat aamma akitsuummik taassuminnga akiliisinneqassanngillat.

Aningaaserivik aqqutigalugu akiliisalernissamut ikiortigit
Nukissiorfiit sullittakkat tamaasa ikiorusuppai Nukissiorfinnut akiligassaminnik aningaaserivik aqqutigalugu akiliisalernissamut ilanngunnissaannut.

Tamanna maannakkut pisinnaavoq uunga allalluni fakturering@nukissiorfiit.gl BS-tilmelding atorlugu. Atuisartut aamma nangaassuteqarnatik Nukissiorfiit saaffiginnittarfiannut Call Centertimut telefonip normuanut 801150-imut attaveqarsinnaapput, tassani sulisut ikiunissaminnut piareersimapput aningaaserivik aqqutigalugu akiliisalernissamut ilanngutsinneqarnissaminnut.