Innaallagiaq
Nukissiorfiit illoqarfinnut 17-inut nunaqarfinnullu 53-inut innaallagissamik pilersuipput. Ataatsimut isigalugu inoqutigiit ataatsit ukiumut innaallagiaq 3.500 kWh missaanniittoq atortarpaat.
Innaallagiaq siaruarterneqartoq annerpaaq imermik nukiliorfinnit pilersitaavoq. Sumiiffiilli amerlanersaanni diesel atorlugu innaallagissamik nukiliorfiit atorneqarput. Taakkulu piffissap ingerlanerani nukimmik ataavartumik atuiffimmik taarseriartuaarneqassapput, nukimmik pilersuinerup nukimmik ataavartumik atuiffiuleriartuaarnera ilutigalugu.
