Innaallagissap aamma erngup akianik qaffaaneq

Piffissami matumani nukissiap akiata Europami qaffakkiartuinnarnerani Nukissiorfiit innaallagissamut  qaammaqqutinut  aamma nukissiamut akigititaa 2019-imiilli allanngorsimanngilaq. Tamatuma saniatigut Nukissiorfiit 2021-mi kiassarnermut akigititartik appartippaat Polaroilip uuliamut akigititaminik appartitsinera sullittakkatsinnut ingerlateqqinniarlugu, kiisalu sullittakkatsinnut uuliamik kiassaanermit innaallagissamut qaminneqarsinnaasumut kiassaanermut nuukkiartornissaat pilerinarnerulersinniarlugu, tamannami mingutsitsinngitsumut nuukkiartornermut iluaqutaammat.    

Nukissiorfiit 2,5 mia. koorunit sinnerlugit aningaasaleeqqittussanngorput ukiuni qulini tulliuttuni maannakkut pilersuinermut atortunut pilersuinermut qulakkeerinninneq pitsanngorsarniarlugu, kiisalu aningaasaliissuteqaqqinnerit annertuunut ilaatigut taartisiassatut, Naalakkersuisut akuersipput Nukissiorfiit innaallagissap aamma erngup akianik qaffaanissaanut.  Nukissiorfiit isertitaat aamma aningasartuutaat siunissami pitsaanerusumik oqimaaqatigiittussaapput, kiisalu akigitinneqartunik qaffaaneq tamatumunnga atatillugu iliuutsit ilagivaat.

Matumani pineqarpoq qaammaqqutinut aamma nukissiamut innaallagissamut kilowattimut (kWh) ataatsimut 10 oorinik qaffaaneq aamma imermut kubikmeterimut ataatsimut tyve oorinik qaffaaneq.

Soorlu assersuutigalugu tamatuma kinguneraa ilaqutariit sisamanik amerlassusillit, naatsorsuutigissavaat innaallagissamut aamma imermut 44 koruunit missaannik akiliinerusalernissartik.

Nukissiorfiit aamma Naalakkersuisut sulissutigaat Nukissiorfiit isertitaasa aamma aningaasartuutaasa oqimaaqatigiinnissaat, taamaaliornikkut pilersuinermik pisussaaffimmut aningaasaliissuteqarnissamut aningaasat pisariaqartut pigineqarniassammata, inuiaqatigiinnik aamma silaannaap pissusianik mianerinnilluni.

Aningaasaqarnermut pisortaq Pierre Vassard nassuiaavoq: 
tassa Nukissiorfiit imermit nukissiorfinnut, maannakkut pilersuinermut atortunut aamma nukissiornermut atortunut allanut ukiuni tulliuttuni amerlasuuni annertuumik aningaasaliissuteqartartussaavoq. Taamaattumik Nukissiorfiit pilersuinermut akigitinneqartut aamma aningaasartuutit akornanni piffissamut naleqquttariaqarpai, tamanna iluatsissappat. Piffissamut naleqquttoq imatut paasineqassaaq, atuisartoq atuinerminut annertuallaartumik imaluunniit annikippallaartumik akiliissanngilaq. Ukiuni kingullerni marlunni Nukissiorfiit millioninik amerlasuunik amigartooruteqartarpoq. Akigitinneqartuni aningaasartuutiviit takuneqarsinnaanngippata, taava aarlerinaateqarpoq maannakkut pisisartut siunissami kinguaariinnut pisisartunut akiligassarpassuarnik pilersitsisut pilersuinermut, inuiaqatigiinnut aamma silap pissusaanut tuttussanik. Taamaattumik isumatusaarneruvoq akigitinneqartut allanngortissallugit.

Inaallagissamut aamma imermut akigitinneqartut nutaat 1. februaari 2023-mi atuutilissapput.

Annertunerusumik oqaaseqartitsiniaraanni uunga: nukissiorfiit@nukissiorfiit.gl saaffiginnittoqassaaq.