Kangerlussuarnut matuersaatit

Nukissiorfiit Kangerlussuarmi innaallagissiorfimmut matuersaatit tiguaat. Pisoq taanna malunnartinneqarpoq nunaqarfimmi innuttaasunik nuannersumik kaffillernikkut

Sapaammi decembarip ulluisa pingajuanni Kangerlussuarmi Mittarfeqarfiit cafeteriaanut tikilluaqqusisoqarpoq. Tamaani kaffillertoqarluni aamma kaagillertoqarpoq, tamatuma siornatigut innuttaasut periarfissaqartinneqarput nunaqarfiup innaallagissiorfianut takornariarnissaminnut.

Ulloq nuannersoq aamma isertoqarfiulluartoq innuttaasut alapernaaserlutik amerlasuut peqataapput kiisalu Nukissiorfiit aamma Mittarfeqarfiit pisortaat aamma peqataallutik.
- Innaallagissamit, imermik aamma kiassaanermik pilersuineq Nukissiorfiit pingaarnertut suliassarivaat. Taamaattumik ulloq manna qilanaarisimavarput aamma suleqatitaavut ajunngitsumik tikilluaqquniarpavut kiisalu minnerunngitsumik pilersuinissamut pisussaaffik. Nukissiorfiit pisortaanerat Cicilie Senderovitz oqarpoq.

Nukissiorfinnit augustimi oqaluttuarineqarpoq Kangerlussuarmi, Narsarsuarmi aamma Qaarsuni Mittarfeqarfiit pilersuinermut akisussaaffiata ukiut nikinneranni Nukissiorfinnut nuunneqarnissaa. Tunniussinermut tunngavigineqartut atuarsinnaavasi uani:
https://nukissiorfiit.gl/da/Nyheder/2022/Fra-Mittarfeqarfiit-til-Nukissiorfiit