Nukissalik eqquisoq pissarsisussaq

Nukissalik ukioq manna Nuummi Inussivimmi Biilinik aamma Umiatsianillu takutitsinermut peqataavoq,  Eqquiniaatitsinermi tassani pineqarpoq immiisarfimik akeqanngitsumik ikkussinissaq aamma korti kuultiusoq assut pilerigineqarpoq.

Nuummi sapaatit akunnerata naanera assut pikkunarpoq Deres Autop siullermeerluni niuertitsivoq Biilinik Umiatsianillu takutitsinermi peqataavoq, tassani Nukissiorfiit biilinut immiisarfii “Nukissalik” aammattaaq saqqummersitsivimmi peqataavoq.

Saqqummersitsivimmut alakkaasut amerlaqaat siunnersortinnissaminnut tassani periarfissaqaramik, tassa immiisarfiup qanoq ikkussorneqarnissaanut aamma taassuma qanoq atorneqarnissaanut.
- Takusaasut assut uagut silarsuatsinnut alapernaapput aamma immiisarfinnut nuannarineqartunut. Assut malunnarpoq mingutsitsinnginnerusumut nuukkiartorneq assut soqutigineqartoq imaasinnaavoq eqqarsaatigineqartoq imaluunniit ineriartornermut tamatumunnga peqartaarusuttoqartoq, Nukissaliup “ataataa” Klaus Lage Labansen, oqaluttuarpoq ulluinnarni Nukissiorfinni Nioqquteqarnermut Niuerfimmillu ineriartortitsinermut pisortaq.

Eqquisoq
Immiisarfimmik akeqanngitsumik ikkussuinissamut unammisitsineq tassunga ilanngullugu korti kuulti 200 koruuninik naleqartoq, soqutigineqarluinnarpoq. Peqataasut 122-upput eqquisorlu makinneqarpoq.
Iluatsitsilluartoq tassaavoq Jan Jensen, nutaarsiassaq nuannersoq inuttaanut apuunneqareerpoq aamma piffissaq sivisunngitsoq ingerlareerpat nammineq immiisarfissami ikkussuunneqarnissaa qilanaarissavaa.
Kisianni unammisitsinermi tassani eqquisoq kisimiinngilaq iluatsitsisoq.  Saqqummersitsinermi peqataasut aammattaaq Nukissalimmut akeqanngitsumut ilanngunnissaminnut periarfissaqartinneqarsimapput, ilanngunnerminnilu kortimik kuultiusumik nassinneqarlutik – taanna aammattaaq 200 koruuninik naleqarpoq.  
- Nukissaliup silarsuanut ilannguttut nutaat arlaqarput. Tamanna naammaginarluinnarpoq aamma uppernarpoq tamatuma ingerlaannarnissaa, Klaus Lage Labansen oqaluttuarpoq. Eqqaamaqqussavarput Nukissalimmut ilaasortat nutaat mailiminnut iseriarlutik mailadressiminnik uppernarsaanissaat.

Nukissaliup silarsuaa pillugu annertunersumik atuarusukkuit taava nittartakkamut uunga iserit: https://nukissiorfiit.gl/da/Produkter/Nukissalik-elbillader
Tassani ilaasortanngornermi iluaqutissaasut suut tamaasa pillugit atuarsinnaavutit aamma siunnersuinerit aamma ilitsersuinerit ilinnut iluaqutaasussat pissarsiarisinnaallugit.