Nukissiorfiit sulinerat Islandimit soqutigineqarpoq

Pingasunngorneq augustip ulluisa 17-ianni Nuummi qullersaqarfik nuimasumik pulaartoqarpoq, tassa Islandimi Altingimut ilaasortaq Hafdís Hrönn Hafsteinsdóttir, pulaarmat.
Nukissiorfiit suliniutinut pisortaata Ole Ziemerip, Hafdís Hrönn Hafsteinsdóttir aamma ingiallortaalu Islandip generalkonsulia nutaaq Geir Oddsson aamma siunnersortaa Helgi Haukur Hauksson, tikilluaqquai.

Ole Ziemer Nukissiorfiit suliarisartagaat pillugit saqqummiussivoq aamma maani nunami pilersuinissamut pisussaaffeqarnerput pillugu. Islandimit pulaartit assut soqutiginnillutik tusarnaarput suliavullu pillugit apeqqarissaarlutik. Kisianni ingammik ataavartumik nukissiorneq pillugu suliaqarnerput takkua assut soqutigaat – piffissaq iluatsillugu Hafdís Hrönn Hafsteinsdóttirip naatsumik oqaluttuaraa namminneq isumassarsiarisimasartik umiarsuarnik takornarianik angallassisartunik minguitsumik nukissiuuteqartitsiniarnertik.