Qaqortumi Nukissiorfiit Roskilde Kommunimeersunit pulaarneqarput

Roskildep Kommunianit angalasunit, illoqarfimmut aqqusaartunit, Nukissiorfiit pulaarneqarput

Kommune Kujallermi kommunaldirektøri, Tina Pars, siuttoralugu Roskilde Kommunimit angalasut Qaqortumi Nukissiorfinnut pulaarput.
Angalasut Nanortalik angalanerminni siunnerfigaat, ukiut 225-nngortorsiorlugit nalliuttorsiortoq kisianni angalanerminni Qaqortumut aqqusaarlutik piffissaqaramik angalasunit kissaatigineqarpoq Nukissiorfiit Qaqortumi pulaarniarlugit.

Nukissiorfinnit pulaartut alapernaatsut tikilluaqquneqarput taakkua apersuutigaat innaallagissamik, imermik aamma kiassaanermik Nunap Immikkoortuani Kujallermi qanoq ingerlanneqarnersoq.
Nukissiorfinnit oqaluttuarineqarpoq uagut pilersuinissamut pisussaaffipput pillugu kiisalu innaallagissamik, imermik aamma kiassaanermik tamaani pilersuinitsinni unamminartuutivut, Danmarkimit tamanna allaaneruvoq, innaallagissiorfiit aamma imeqarfiit nunaqarfinni minnerpaamik avinngarusimasuniittuni tamarmik immikkut ingerlanneqarput.

Atortutsinnit assit assilisat takutissallugit periarfissaqarpoq, kiisalu Nunap Immikkoortuani Kujallermi pisortaq Lars Hoffmeyerip Nukissiorfiit takorluugaat oqaluttuarai, aamma Kalaallit Nunaanni nukissiorneq piujuartitsinermik tunngaveqartut siammartinnissaa pillugit suliniutivut oqaluttuaralugit.

Angalasut assut alutorsarput tassaasut: Borgmester Tomas Breddam ilagalugu Dorthe Wenøe Breddam, Kommunaldirektør Henrik Kolind ilagalugu Jane Puggaard Kolind, borgmesterip tullia, Aningaasaqarnermut Ataatsimiititaliami ilaasortaq, siulittaasup tullia Pilersaarusiornermut aamma Teknikeqarnermut Ataatsimiititaliami Jette Tjørnelund ilagalugu Egon Christensen, borgmesterip tulliat, Aningaasaqarnermut Ataatsimiititaliami ilaasortaq, siulittaasup tullia Sulisoqarnermut aamma Isumaginninnermut Ataatsimiititaliami Gitte Kronbak Nielsen ilagalugu Sten Lynge Nielsen, Aningaasaqarnermut Ataatsimiititaliami ilaasortaq, siulittaasoq Sulisoqarnermut aamma Isumaginninnermut Ataatsimiititaliami Merete Dea Møller Larsen aamma Aningaasaqarnermut Ataatsimiititaliami ilaasortaq kiisalu Peqqissutsimut aamma Tungiuinermut Ataatsimiititaliamik siulittaasoq Tina Boel Reugboe.