Isak qujanaq Nukissiorfinni sivisuumik aamma aalajaallutit sulisimaninnut

Ullumikkut misigissutsit assigiinngitsut akuleriipput Nukissiorfinni aalajaalluni sulisimasoq inuulluaqquneqarmat, ukiut 42-t pisortaq suliffeqarfiutaanni sulereersimalluni. Isak Hansenip (kingornatigut Iisaaq) soraarninngornissani toqqarpaa.

Aalajangerneq eqqarsaatigineqarneqarluarsimasoq aalajangissallugu ajornaatsuinnaasimanngilaq suleqammut aallussilluartumut aamma tamatigut pisussaatsiminik ilaginnaajumanngitsumut.
Ukioq ataaseq qaangiuttoq Nukissiorfiit sulisunut aviisianni NukiNewsimit allaaserisami imatut oqarpoq:
Suliffiga nuannarivara aamma Nukissiorfinni peqataanera tulluusimaarutigalugu. Ingammik tulluusimaarutigivara suleqatigikkatta pikkorissut tamatta maanimiuulluta, suleqatigiit pikkorissut aamma aallussilluartut”.

Iisaaq aalisariummi naalagaavoq taamanikkut 32-nik ukioqarluni Qeqertarsuarni GTO-mi (Grønlands Tekniske Organisation, aaqq.), maannakkut Nukissiorfiit sulilerami. Ingerlatsinermit sulisutut atorfinippoq tamatumalu kingornatigut innaallagissamik nioqqutissiornermi formandinngorluni.    

Suleqatip aalajaatsumut, tutsuiginartup aamma ataqqissaasup sulinera arajutsineqanngilaq.
Suleqatitut tamatigut suliassap piffissaq eqqorlugu aamma pitsaasumik naammassinneqarnissaanik pingaartitsinermi saniatigut, Dronningip nersornaasiuttagaa ukiuni 40-ni aalajaalluni sulisimanermini pissarsiaraa aamma SIK-mit kajumissaat. Tamatuma saniatigut Iisaaq ukiut ingerlanerini najukkami inuiaqatigiinni peqataalluartuuvoq kommunalbestyrelsimi ilaasortatut, kiisalu allaat ukiuni arlalinni borgmesterip tulliatut.
Uagut inuiaqatigiinni innuttaaqataasutut periarfissaqartilluta ikiuuttariaqarpugut. Kisianni minnerunngitsumik taamatulli pingaaruteqartigaaq suliamik nuannarinninneq aamma sapinngisamik pitsaanerpaamik sulinissaq. Nukissiorfiit ukiut ingerlanerini suliffiuvoq pitsaasoq, tassani sulisut qitiutinneqarput.  Tamanna uagutsinnut tamatsinnut iluaqutaasimavoq”, Iisaaq Nukissiorfiit sulisunut aviisianut NukiNews-imut oqarpoq.

Kisianni maannakkut tassa Iisaq tunuarpoq tamannalu angummut tassunga eqqorluinnarpoq.
Tamanna pivoq Qeqertarsuarni Hotel Disko Islandimi ilasseqatigiinnermi pisortatigoortumik pivoq, tassani ilaquttat qanigisat aamma inummut pineqartumut suleqataasut peqataapput, ukiorpassuarni sulisimaneranik qujaniarlutik.
Nunap immikkoortuani pisortaq René E. Fleischer ilaatigut Iisaamut oqaatsit uku oqaaserai:
- Iisaaq ataqqinartoq. Nukissiorfiit sinnerlugit qujanarujussuaq ukiuni taamak amerlatigisuni uagutsinni sulinissat toqqarsimagakku. Atuuffigisimasat taarserniarsarissavarput aamma neriuppugut ilaanneriarlutit alakkalaartarnissaq kaffimik najorsiartorlutit. Ajunnginnerpaamik soraarninngorlutit inuunissannik kissaappatsigit.

Nukissiorfinnit tamanit Iisaq qujanarujussuaq ukiuni qulikkaani sisamani sulilluarsimaninnut aamma Iisaaq kissaapparput nuannersumik aamma misigisaqarnartumik soraarninngornermini ingerlanissaanik.