Akiligassat

Naamik. FIK kort nassiunneqartoq akiliinermi atorneqassaaq.

Ugguuna imaluunniit bankinnut nalunaarlutit.
Nalunaarsorneqarneq sivisusinnaavoq, taamaammat nalunaareeraluarlutit suli nalunaarsorneqartutut allassimanngikkuit, pisarnittut akiliigit.

Assersuut, januarimi atuinerit februarimi nalunaarsorneqassaaq, qaammatip qeqqani akiligassaq piariissaaq ilinnullu nassiunneqarluni, illillu februarip naanerani tigussavat. Tassa imaappoq januarimi atuinerit martsip aallartinnerani akilereersimassaaq.

Aap, pisinnaajuaannarputit, uunga saaffiginnikkuit: 80 11 50 imaluunniit kundeservice@nukissiorfiit.gl.

Ajuusaarnarpoq akileereersimagaluarlutit akileeqqusissummik nassinneqaqqikkavit. Taamaattoqarsimappat tigusat kingulleq takunngitsuusaaginnassavat. Kukkunikkulli allagarseqqissimaguit naatsorsuutigissavat ullut marluk-pingasut ingerlaneranni akiliutit nalunaarsorneqarsimassasut, taamaammallu akiligassamik nassinneqartoorsimallutit.

Illit atuinerit piffissaagallartillugu akilinngikkukku nukingisaarummik nassissavatsigit. Nukingisaaruterput qisuariarfiginngikkukku ilinni ikkussukkat matuneqarnissaat sulissutigilissavarput. Maluginiaruk, matusinermut ammaaqqinnermullu kiisalu VVS-imut qerisoornissamut isumannaallisaasoqassappat tamatumunnga aamma akiliuteqartitsisoqartarnera.

Tamanna arlalinnik peqquteqarsinnaavoq, taamaammat Atuisunut sullissivik saaffigiuk uunga 80 11 50 imaluunniit kundeservice@nukissiorfiit.gl.

Allaffitsinniit akiliisitsisinnaanngilagut, taamaammat netbank, bank allakkerivilluunniit aqqutigalugit akiliisariaqarputit.

Atuisumut ajornannginneroqqullugu akiligassami makku allassimapput: atuisutut normut, atuinerup nalunaarsorneqarnera, aki ullorlu akiliiffissaq. Uani paasisaqarnerugit.

Nukissiorfimmut piffissap ingerlanerani akiligassaqalersimaguit akileriaannaanagillu, Nukissiorfiup eqqartuussissutitaqanngitsumik isumaqatigiinnermik neqeroorfigisinnaavaatit.
Tassa imaappoq akiligassaq piffissami sivisunerusumi akilersorneqassasoq.
Qaammammut ullulluunniit 14-ikkaartumik akilersuinissami piumasaqaatit tassanilu akilersuinissap sivisussusaa Nukissiorfiup akiitsunik isumaginnitoqarfialu isumaqatigiissutigineqassapput.
Eqqartuussisutaqanngitsumik isumaqagitiissummik neqeroorfigitinneqarsinnaanissami akiligassaasoq 3.000 koruuni sinneqqassavaa, qaammammut akiliutaasartussat minnerpaamik 500 koruuniussapput ullulluunniit 14-ikkaartumik akilertagassat minnerpaamik 250 koruuniussallutik.
Piumasaqaataavortaarlu akiligassat takkuttartut akilersuinissamullu isumaqatigiissut ulloq akilersuiffissaq kingullermi akilereersimanissai.