Ingerlatsinermi akornutit piareersariikkat

Nutarterineq 24. juni nal. 20:45

Uummannami innaallagissamik pilersuineq tamakkiisumik ingerlaqqilerpoq

Nutarterneqarpoq 24. juni nal.

Nukissiorfiit sulisuisa Uummannami innaallagissamik pilersuineq tamakkiisumik ingerlasunngorteqqippaat, tassa illoqarfiup immikkoortortai tamarmik innaallagiaqaqqilerput.

Suliaq annertusimavoq, Nukissiorfiit Uummannami sulisui tikillutillu ikiuukkiartortut kiisalu suleqatigisavut immikkut ittumik annertuumik suliaqarsimapput. Uummannamut innaallagissamik tamakkiisumik pilersueqqilerneq nuannaarutigisorujussuuarput. Pilersuineq tamakkiisumik ingerlaqqilereeraluartoq sivikitsumik innaallagiaaruttoqartarsinnaassaaq, atortulli innaallagissamik pilersuissutaasut nakkutigeqqissaarneqarput, nalimmassarneqarlutik inississoqqissaarneqarlutillu pilersuinerup patajaatsumik ingerlaqqilernissaa anguniarlugu.

Uummannami innuttaasut pisumi naammagittarlutik paasinnillutillu tapersersuinerat pillugu qutsavigerujussuarpagut. Nukissiorfinni sulisut suleqaterpassuagullu unnuaarullutik innaallagissamik pilersueqqilernissaq naammassiniarlugu sulerujussuarnerat pillugu aamma immikkut ittumik qutsavigerusuppagut.

Uummannami innaallagissamik pilersuineq Nukissiorfiit nakkutigeqqissaarpaat, pisariaqarfiatigullu iliuuseqaqqinnissamut piareersimallutik.

Nutarterineq 24. juni nal. 16:00

Nukissiorfiit sulisui Uummannami innaallagissamik pilersuinerup uterteqqinneqarnissaa patajaallisarneqarnissaalu suli sulissutigaat.

Nuannersumik oqaatigineqarsinnaavoq illoqarfiup najugaqarfiisa 90 %-iisa missaat maanna innaallagissamik pilersorneqaqqilersimammata. Suli immikkoortuni ikittuni pilersuineq uterteqqinneqanngilaq. Tamanna ilaatigut timersortarfiup Rema-lu akornanni immikkoortumut atuuppoq.

Aamma umiarsualivimmi pitsaasumik siuariartoqarpoq. Tassani ajoqut paasineqarpoq, atortorlu ajoquteqartoq taarserneqareerpoq. Sulisut qanittukkut atortumik misiliillutik aallartitsiniarput. Peqatigitillugu innaallagissamik kiassarnermullu pilersuinerup patajaatsumik ingerlanissaanut teknikkikkut aaqqiissutit suliarineqarlutik. Atortut misissorneqarneri, nalimmassarneqarneri misileraaffigineqarnerilu ingerlaqarput, suliarlu oqartussaasut attuumassuteqartut suleqatigalugit ingerlanneqarluni.

Atortut kingulliit nalimmassarneqarneri misileraaffigineqarnerilu ingerlanneqarmata suli sivikitsumik sumiiffinnilu ataasiakkaani qaminngasoqarallarsinnaavoq.

Uummannami innuttaasut paasinninnerannut, naammagittarnerannut tapersersuinerminnullu qutsavigerusuppagut. Aammattaaq sulisut suleqatigisallu pilersuinerup nalinginnaasumik ingerlaqqilernissaanut suli annertuumik sulisunut immikkut qujavugut.

Innuttaasut kaammattorpagut oqartussaasut allat upalungaarsimasullu paasissutissiissutaat, ilaatigut Avannaata Kommunia Politiillu paasissutissiissutaat, malinnaaffigeqqullugit.

Nukissiorfiit suliaq pillugu pingaarutilinnik nutaarsiassaqartillugu paasissutissiissaaq.

Nutarterineq 24. juni nal. 13:50

Nukissiorfiit sulisuisa Uummannami innaallagissamik pilersuineq tamakkiisunngorteqqinniarlugu ilungersorlutik sulissutigaat.

Containerit innaallagissamik pilersuinermut tapertaasussat tikiunneqartut suliassartaat teknikikkut unammillernartoqarpoq, illoqarfiulli affangajaa maanna innaallagiamik pilersorneqalereerpoq. Sinneruttut innaallagiaqalernissaat tassa maanna ilungersuutigineqarpoq.

Uummannami kiassarneq aallarteqqinniassammattaaq kiassaanermut tapertassat ilassutitut tankersuit aamma tikereersut ikkussuunneqarnissat tullinnguuppoq.

Iluarsartuussilluni sulinerup misileraanerullu nalaani innaallagissamik pilersuineq qameqattartarsinnaavoq.

Uummannarmiut sulinerup nalaani nammagittartarlutik utaqqinerannut passinninnerannullu qutsavigaavut.

Uummannami innuttaasut kajumissaarusuppagut pisortat, upalungaarsimanermik suliaqartitaasa Avannaata Kommuniata aammalu  politiit paasissutissiisarnerinut tamanut malinnaaqqullugit.

Uummannami suliaqartut ilisimatitseqqippata paasissutisseeqqikkumaarpugut.

Nutarterineq 24. juni nal. 08:25

Nukissiorfiit sulisui Uummannami innaallagissamik pilersuinerup uterteqqinneqarnissaa anguniarlugu unnuarsuaq tamakkerlugu sulisimapput.

Suliaq pitsaasumik ingerlavoq, illoqarfiullu immikkoortortaasa pingajorarterutaasa sisamaasa missaat (3/4) maanna innaallagissamik pilersorneqaqqilersimallutik.. Atortut ilaannut atatillugu teknikkikkut unammillernartut kingulliit suli aaqqiivigineqarput, kiisalu illoqarfiup sinnerani pilersuinerup patajaatsuunissaa sulissutigineqarluni. Atortut kingulliit nalimmassarneqarneri misileraaffigineqarnerilu ingerlanneqarmata suli sivikitsumik sumiiffinnilu ataasiakkaani qaminngasoqarallarsinnaavoq. Sulisutta sumiiffimmi suli sulillutik ingerlatsipput, illoqarfiup tamakkerluni patajaatsumik innaallagissamik pilersorneqaqqinnissaa anguniarlugu.

Uummannami innuttaasut paasinninnerannut, naammagittarnerannut tapersersuinerminnullu qutsavigerusuppagut. Aammattaaq sulisut aammalu suleqatigisavut ulloq unnuarlu sulisimasut immikkut ittumik qutsavigaagut, illoqarfimmut pilersuinerup uterteqqinneqarnissaanut annertuumik suliaqarsimanerannut.

Pisoq malinnaaffigaarput, nutaarsiassaqaqqilerutta paasissutissanik nutaanik saqqummiissaagut.

𝗡𝘂𝘁𝗮rtigaq 𝟮𝟯. 𝗷𝘂𝗻𝗶 𝗻𝗮𝗹. 𝟮𝟯:𝟬𝟬: 𝗦𝘂𝗹𝗶𝗮𝗾 𝘂𝗻𝗻𝘂𝗮𝗸𝗸𝘂𝘁 𝗶𝗻𝗴𝗲𝗿𝗹𝗮annarneqassaaq

Uummannami innaallagissamik pilersuinerup uterteqqinneqarnissaanut suliniutit pilersaarutaasut malillugit ingerlaqqissapput.

Nukissiornermut atortussat utaqqiisaagallartut sisamat kiisalu sulisut amerlanerusut maanna tikissimapput, illoqarfiullu innaallagissamik pilersorneqaqqilernissaanut sulinermi peqataallutik. Uummannap ilarujussua, tassa illoqarfiup pingajorarterutaasa sisamaasa missaat, maanna innaallagissamik pilersorneqaqqilerpoq, Nukissiorfiillu sulisui illoqarfiup sinnerata piaartumik pilersorneqaqqilernissaa anguniarlugu suli sulillutik.

Sulisut unnuarsuaq sulillutik ingerlaqqissapput, taamaattumillu atortut attavilersorneri, aallartinneri misileraanerilu pissutigalugit sumiiffinni ataasiakkaani sivikitsumik qaminngasoqarallarsinnaavoq.

Nutaamik ataatsimut paasissutissiineq tulliani aqagu nal. 08.30 pissasoq naatsorsuutigineqarpoq.

Uummannami innuttaasut paasinninnerannut, naammagittarnerannut tapersersuinerminnullu qutsavigerusuppagut. Aamma minnerunngitsumik sulisut ulloq unnuarlu immikkut ittumik annertuumik sulisunut tamanut qujanaq, illoqarfiup tamakkerluni patajaatsumik innaallagissamik pilersorneqaqqilernissaa anguniarlugu sulillutik.

Nutarterineq 23. juni nal. 21:30

Uummannami innaallagiaqaqqilernissamut suliamut atatillugu ingerlanneqarpoq

Uummannami suliaq pilersaarutaasut malillugit ingerlavoq. Sulisut maannamut containerinik innaallagissiorfittut atorneqartussanik pingasunik inissiisimapput, siulleralu maanna attavilersorneqaleruttorpoq. Aammattaaq sulisut amerlanerusut qanittukkut tikinnissaat naatsorsuutigineqarpoq, taakkulu atortut sinnerisa aallartinnissaanut atorneqalernissaannullu ikiuutissapput, taamaalilluni innaallagissamik pilersuineq ingerlaavartumik nukittorsarneqarlunilu patajaallisarneqarsinnaaqqullugu.

Atortunik attavilersuineq misileraanerlu suli ingerlanneqarmata sumiiffinni ataasiakkaani sivikitsumik innaallagiaq qaminngasinnaavoq. Innuttaasut naammagittarnerannut paasinninnerannullu qujavugut.

Nutarterineq 23. juni nal. 19:30

Umiarsuaq atortussanik usisoq Uummannamut tikereerpoq Nukissiorfimmiunillu usingiarneqarluni. Aamma Nukissiorfimmeersut iluarsartuussinnissamut ikkussuinermullu ikiuuttussat unnugu tikissapput. Usingiaaneq piareerpat iluarsartuussinissaq piareersarneqassaaq. Tulliutissapput atortunik inississuillunilu ikkussuinerit, taamaalilluni illoqarfimmut innaallagissamik pilersuineq aallartikkiartuaarneqassalluni.

Iluarsartuussinermut ikkussuinermullu atatillugu innaallagissamik pilersuineq uneqattartarsinnaassaaq, suliaq isumannaatsumik sapinngisamillu sukkasuumik naammassiniarneqartussaammat.

Uummannamii innuttaasut ajornartoornermut paasinninnerat naammagittarnerallu pillugit qutsavigaavut. Nukissiorfiit sulisui ulloq unnuarlu maanna sullipput illoqarfimmut innaallagissamik pilersuineq sukkanerpaamik tamakkiisunngorteqqinniarlugu.

Taammaattumik Uummannarmiut suliaqarnerup nalaani innaallagissamik atuivallaarnaversaaqqullugit kaammattorusuppagut. Assersuutigalugu kiassaatit inaalliartortut, errortanut panersiiviit, erruiviit innaallagiatortut allallu sarfamik atuinertuut pisariaqavitsinnagu uninngatikkallarnissaat kaammattuugissavarput, taamaaliornikkummi innaallagissamik pilersuineq allangujaannerusumik ingerlassammat.

Nukissiorfiit nittartakkamini Facebookimilu quppernini Uummannami innaallagialersuinerup tamaakkiisunngoqqinnissaata tungaanut paasissutissiisassaaq

Nutarterineq 23. juni nal. 08:40

Uummannami innaallagiaarunnermut atatillugu unnuap ingerlanerani pissutsit allannguuteqanngillat. Illoqarfiup pingajorarterutaata missaa suli innaallagialersorneqarpoq, tassa atuuffiit inuiaqatigiinnut pingaarutillit pingaarnerpaatillugit pilersuineq suli ingerlavoq.

Umiarsuup atortussanik usisup Ilulissaniit Uummannap tungaanut unnuaq aallartup Uummannamut unnugu apuunnissaa naatsorsuutigineqarpoq. Ajornartoornermi ikiuukkiartortitat aamma Uummannamut maanna ingerlaarput.

Nukissiorfiit Uummannami sulisui umiarsuup tikinnissaanut maanna piareersaleruttorput, umiarsuaq tikinniariarpat ikkuissuinissamut piareersimaniarlutik. Iluarsaartuussinerup nalaani innaallagissamik pilersuinerup uneqattaartarsinnaanissaa naatsorsuutigineqassaaq.

Ajornartoornermi ikiuuttut suleqatigisagullu tamaasa annertuumik qujaffigerusuppagut, Nukissiorfiit sulisui, Uummannami innuttaasut, politiit, qatserisartut, kommuni, Royal Arctic Line aamma Air Greenland.

Uummannami innuttaasut immikkut qutsavigerusuppagut ajornartoornermi nammagittarlutillu paasinninnerat pillugu. Nukissiorfiit sulisui ilungersorlutik sapinngisamik sukkasuumik sulipput Uummannamut innaallagissamik pilersuinerup tamakkiisumik ingerlaqqilernissaa pillugu.

Nukissiorfiit paasissutisseeqqissapput unnugu.

Uummannami innuttaasunut nalunaarut, Nukissiorfiit Uummannami innaallagissamik pilersuinerata killiffia pillugu

Uummannami innuttaasut ullup unnuallu tulliuttup iluani naatsorsuutigissavaat Nukissiorfiit illoqarfiup pingajorarterutaatut annertutigisup missaanut innaallagissamik pilersorsinnaammata. Tassa pilersuinermi illoqarfimmi inuiaqatigiinnut pingaarutilimmik atuuffillit pingaarnerutinneqarallassapput.

Maannakkut umiarsuaq innaallagissamik pilersuinermi sakkortusaatinik (generatorinik) nassartoq Uummannamut ingerlaarpoq, tikinnissaatalu tungaanut pissutsit taamakkallassapput.

Umiarsuaq pilersaarutit naapertorlugit Uummannamut aqagu unnukkut kingusissukkut apuutissaaq, tikereerpallu sakkortusaatinik ikkussuineq akunnialunnik sivisussuseqassangatinneqarpoq.

Uummannami innuttaasut innaallagiaqanngitsut aatsaat aqagu unnuaqeqqalernerani innaallagiaqalernissartik taamaammat naatsorsuutigissavaat.
Siunnersuutigerusupparput innaallagiaqalernissap tungaanut qerititsiviit nillataartitsiviillu sapinngisamik matoqqatiinnavinniaqqullugit.

Pisoq Nukissiorfinniit ajuusaarutigisorujussuuarput, naammagittarnersilu paasinninnersilu pillugit qutsavigerusullusi.

Uummannami innallagiaarunneq pillugu nalunaarutit nittartakkatsinni Ingerlatsinermi akornutit-ni https://nukissiorfiit.gl/kl/
aammalu facebookimi quppernitsinni malinnaavigisinnaavatit.

Tullianik paasissutissiissaagut marlunngorneq 23. juuni nal. 08:30

Nutarterineq nal. 20:00

Nukissiorfiit Uummannami innaallagissamik tamakkiisuunngitsumik pilersueqqilerpoq.
Tassa imeqarfimmut, Pilersuisumut timersortarfimmullu pilersuineq ingerlaqqilerpoq.
Nukissiorfiit Uummannap illoqarfiata sinneranut innaallagissamik pilersueqqilernissaanut sulineq suli ingerlavoq.

Nutarterineq nal. 17:00 

Nukissiorfiit Uummannami innaallagissiorfiup pilersuinera iluarsiniarlugu sulinini suli ingerlappaa.  qaqugu iluarsivinneqarnissaa suli nalunaaqutalersinnaanngikkallarparput suliaq suli ingerlammat. 

Kingusinnerusukkut suliap killiffia pillugu paasissutisseeqqissaagut. 

Nutarterineq nal. 15:30 

Uummannap innaallagissiorfiata ilaani ikuallanneq maanna aqunneqarsinnaalerpoq qamisarneqarlunilu. Sillimmataasutut innaallagissiorfiup aallarteqqinnissaa sulissutigineqarpoq kiisalu illoqarfimmi generatorip sillimataasup aallartinnissaa aamma sulissutigineqarpoq imermik pilersuineq aallateqqinniassammat.  

Tullianik paasissutissiissaagut nal. 17:00 

Nutarterineq nal. 14:00 

Uummannaq suli innaallagiaqanngikkallarpoq. Nukissiorfiit innaallagissamik pilersueqqilernissaq sulissutigaat. Innaallagissamik pilersuisussat sillimmataasut generatorit suliaqartussallu Aasianniit Ilulissaniillu Uummannap tungaanut maanna ingerlanneqarput, aqagulu 23.juuni unnukkut kingusissukkut Uummannamut apuunnissaat naatsorsuutigineqarpoq. 

Tullianik paasissutissiissaagut nal. 15:30 

𝗣𝗮𝗮𝘀𝗶𝘀𝘀𝘂𝘁𝗶𝘀𝘀𝗶𝗶𝗻𝗲𝗾 𝗻𝗮𝗹. 𝟏𝟑:𝟐𝟎: Uummannami innaallagissiorfimmi ikuallanneq 

Ataasinngorneq 22. Juuni 2026 Uummannami innaallagissamik pilersuineq unippoq, innaallagissiorfiup ilaani ikuallalerneq peqqutigalugu. Ikuallanneq illoqarfiup tungaanut annertuumik pujuliorpoq. Inunnik ajoqusertoqanngilaq Nukissiorfiilli upalungaarsimanermik suliaqartut peqatigalugit ikuallattoornermik suliamut tunngasoq aallartippaat. Nal. 14:16 tamanna pillugu paasissutisseeqqissaagut. 

Nal. 12:00

Maanna ataasinngornermi ulloq 22. juni, kallerup inneranik pilersuineq uninngagallarpoq.
Nukissiorfiit ataatsinut, 13.00, paasissutissiissaaq.