Nukissiorfiit iluani periarfissat amerlaqaat. Assassornermik aamma inuussutissarsiummik sulianut tunngasutut ingerlattagaq, allaffissorfik, imaluunniit ilisimatusarnermut tunngasumik ilinniagaqarfik takorluussagaluarukku tamaani suliffeqarsinnaavutit.
Ullut tamaasa Kalaallit Nunaanni inuttaasunut pilersuinermik allanngujaallunilu isumannaatsumik qularnaariniarluta sulisarpugut. Angerlarsimaffinni imeq kuutsilerukku imeq uagutsinneertarpoq. Mobilit sarfalersulerukku imaluunniit qulliit ikikkaangakkit sarfaq aamma uagutsinneertarpoq.
Nukissiorfiit iluani sulininni Kalaallit Nunaanni tamarmi ilinnut, ilaquttannut ikinngutinnullu pilersuinermik allanngujaatsumik, aamma siunissamik minguinnerusumik qularnaareqataavutit.
Meeqqat atuarfiannit suliffimmi sungiusartunngorninni ulluinnaat atukkagut suliassallu tamakku iluarsiivigisartakkagut ilaaffigilissavatit, taamaalillutillu ilinniagassanni alloriarfissannut tulliusumut silappaarinnerulersinnaavutit. Sulianut tunngasutut ingerlattakkani suliassaqarfiit assiginngitsorpassuit iluini soqutigisarisatit misileraavigisinnaavatit. Tassaavugut nunami tamarmi immikkoortoqarfinnik peqarluta suliffeqarfiit annerpaat ilaat.
Uani suliffimmi sungiusarfigisinnaasatit takusinnaavatit:
Sumiiffik | Allaffissorneq allaffillu | Teknik pillugu ikiuisarneq | Nioqqutissiorneq | |
|---|---|---|---|---|
Nuuk |
| Ingeniøri | Innaallagialerisoq | |
ILAAT | Kontorfuldmægtig: Sulisut pillugit allaffissornermi suliaqarneq | Ingeniøri | Innaallagialerisoq |
Nuummi qullersaqarfitsinni atuartunik marlukkaanik sungiusartitsisarnissamut periarfissaqarpugut. Suliffimmi sungiusarnermut isumaqatigiissut atsiortinnagu oqaloqatiginninnissamut qaaqquneqassaatit. Oqaloqatigiinnerup nalaani suut naatsorsuutigisinnaaneritit, aammalu suliffimmi sungiusarnermik ingerlatarisaanni sunik misilitaqarusunnitit oqaluuserissavavut. Tunisassiorfimmi, aamma sineriammi nalinginnarmik atuartumik ataatsimik sungiusartitsisarnermut inissaqartitsisarpugut.
Uagutsinniinnerit sapinngisamik pissanganartitaaniassammat ilinnit qinnuteqaammik tigusinnikkusuppugut.
Suut pikkoriffigineritit, suut soqutigisarineritit, aamma akunnaatsumik paasissutissat, ilaatigut qaqugu suliffimmi sungiusarnissat, kiisalu ingerlatamit sunik pissariaqarusunnerit pillugit qinnuteqaatinni nassuiassagitit qinnuigineqassaatit. Soqutigisatit assersuutigalugit tassaasinnaapput assavit atornissaat, allataliortarnissaq, kisitsisinik suliaqarnissaq, ajornanngippallu regnearkimik, assiliisaqattaartarnissaq, videoliortarnissaq, imaluunniit pisunik atuutsitsilerluni ingerlataqartitsilersarneq. Soqutigisatit aallaavigalugit ilinnut anguniagaqarfilikkamik ingerlatassaq katitissavarput.
Qinnuteqaat uunga nassiuguk: HR@nukissiorfiit.gl
Tusarfiginissat qilanaaraarput.
Kalaallit Nunaat assissaqanngilaq, angissutsimigut aamma pinngortitamigut alianaatsorsuakkut. Nukissiorfiit iluani atorfeqartutut sulianut tunngasutut ataatsimoorfimmi siamasissumi, Kalaallit Nunaanni tamarmi siammaqqasumi ilaalissaatit.
Pilersuisarneq sumiiffikkaani suliaqarfigaarput, aammalu Kalaallit Nunaannik pituttueqataavugut. Nukissiorfiit ilaatut inuiaqatigiinni suliassami pingaarutilimmi ilaalissaatit, tamaanilu siunissamik piujuartitsisuusumik pilersitsinissamut peqataaqataassaatit.
Sulisutta piginnaasaat assigiinngitsut pingaartippagut, aammalu kikkut tamarmik suliassaminnik isumaginnissinnaanissaannut atugassarisat pitsaanerpaat pilersinnissaat alaatsinaaffigalugu.
