Imermik nukissiorneq
Imermik nukissiorneq tassaavoq nukissiamik pilersuinermik ataavartumik nukissiaq pingaarneq. Imermik nukissiornermik atuinissamut periarfissat amerlasuut nalissaqanngitsuupput aamma nunamut sillimmataasuulluni naleqarluinnartuusoq siunissamilu suli annertunerusumik atorluarneqarsinnaassalluni. Nukissiorfiit tallimanik imermik nukissiorfeqarput illoqarfinnik arfinilinnik pilersuisuusunik – Utoqqarmiut Kangerluarsunnguat (Nuuk), Tasiilaq, Qorlortorsuaq (Qaqortoq aamma Narsaq), Sisimiut aamma Paakitsoq (Ilulissat).
| Ateq | Pilersorneqartoq | Ingerlatsilerfia | Alliliineq | Piginnaa-saa (MW) | Katillugu nalinga (mio. kr., 2017-imi akiusut) |
|---|---|---|---|---|---|
| Utoqqarmiut Kangerluarsunnguat | Nuuk | 1993 | 2008 | 45,0 | 1.730 |
| Tasiilaq | Tasiilaq | 2004 | (2017-2021) | 1,2 | 84 |
| Qorlortorsuaq | Narsaq og Qaqortoq | 2008 | 7,6 | 401 | |
| Sisimiut | Sisimiut | 2010 | 15,0 | 598 | |
| Paakitsoq | Ilulissat | 2013 | 22,5 | 670 | |
| Katillugit | 91,3 | 3.483 |
Utoqqarmiut Kangerluarsunnguat
Sumiiffik: Nuuk, Kitaa
Piffissaq sanaartorfik: 1990 – 1993 (2008)
Sanaartortut: Nuuk-Kraft konsortiet
Video takuuk, tooruk una.
Sisimiut
Sumiiffik: Sisimiut, Kitaa
Piffissaq sanaartorfiusoq: 2007-2010
Sanaartortut: Ístak (Phil og Søn)
Qorlortorsuaq
Sumiiffik: Qorlortorsuaq, Kujataa
Piffissaq sanaartorfik: 2004-2007
Sanaartortut: EnergiKonsortiet
Video takuuk, tooruk una.
Tasiilaq
Sumiiffik: Tasiilaq, Tunu
Piffissaq sanaartorfik: 2002-2005
Sanaartortut: Pihl & Søn Grønland ApS
Ilulissat
Sumiiffik: Paakitsoq, Kitaa
Piffissaq sanaartorfik: 2010-2013
Sanaartortut: Pihl & Søn Grønland ApS
Video takuuk, tooruk una.
Imermik nukissiornissamut periarfissat
Imermik nukissiorfinnit nukissiamik nioqqutissiornissamut periarfissat annertupput. Imermik nukissiorfiit pioreersut aamma imermik nukissiornissamut periarfissat ullumikkut ilisimaneqartut nassuiarneqartullu pillugit titartakkap takutippai. Tamatigut piviusorsiortumik nalilerneqartarpoq sumiiffinni ataasiakkaani imermik nukissiorfeqalernissaq teknikkikkut aamma inuiaqatigiit aningaasaqarnerannut siunertaqarluartuunersoq.
Periarfissaqarluarfiunerpaat qulit ilisimaneqartut ullumikkut atorneqanngillat. Tamatumunnga patsisaavoq inoqarfinnit ungasissumiinnerat, aamma illoqarfinni qaninnerpaani pisariaqartitsinerup naammannginnera sanaartornermi aningaasartuutinik matusinissamut. Pissutsit taamaattut sunnerneqarsinnaapput suliffeqarfiit imermik nukissiorfeqalernissamut periarfissaqarfiusut eqqaanni suliffeqalerpata.
Kalaallit Nunaanni erngup nukinganik nukissiornissamut isumalluutit – Ataatsimut isiginniffik aggusti 2005 (danskisut)-iimi imaluunniit Erngup nukinganik nukissiornissamut piukkunnaateqarfiit pillugit Naalakkersuisut nittartagaanni erngup nukinganik nukissiornissamut piukkunnaatit ataatsiakkaat tamakku pillugit annertunermik atugaqarsinnaavutit.