Seqinermit nukissiaq
Seqinermit nukissiaq tassaavoq qinngornernit seqinermit pisunit nukissiaq. Seqerngup qinngornerinit tigooraassutit (solceller) atorlugit innaallagianngortinneqarsinnaavoq kiisalu seqerngup kissaanik pissarsiniutit (solfangere) atorlugit kiassaaninngortinneqarsinnaalluni.
Nukissiorfiit seqerngup nukissiaanik atuinerat
Nukissiorfiit anguniagarivaa seqerngup qinngornerinik tigooraassutit (solceller) atorlugit innaallagissiornissaq ukiuni takkuttuni annertunerusumik innaallagissiornermut pilersuilernissaat, annermik nunaqarfinni. Innaallagissiorfinnik nutarterinerit imaluunniit dieselgeneratorinik taarsersuinerminni Nukissiorfiit aamma misissuisarput seqerngup qinngornerinik tigooraassutinik (solceller) ikkussuineq isumassarsiatsialaanersoq. Seqerngup qinngornerinik tigooraassutit (solcelleanlæg) amerlasuut Nukissiorfiit illuisa qaavannut ikkussorneqassapput, soorlu innaallagissiorfinni imeqarfinnilu – Atammimmi seqerngup qinngornerinik tigooraassutinik (solceller) ikkussuinerit assinganik ikkussukkanik. Taamaalillutik innuttaasunut ajoqutaanngitsumik Nukissiorfiillu anguniagaannut – minguitsumik innaallagissiornissamut – aamma peqataallutik.
Seqerngup qinngornerinit tigooraassutit (solceller) Igalikumi atortut akuleriissitat ilaattut atorneqarpoq. Manna tikillugu atortunik misilittagaqalerneq pitsaavoq, ukiuuneranilu aammattaaq nioqqutissiorluartarpoq.
Nukissiorfiit siunissami ataavartumik tunngaveqartumik nukissiornermik suliniutimini suli qitiutinniarpaat seqerngup qinngornerinit tigooraassutinik anginerusunik pilersitsineq naleqquttuussanersoq illoqarfinni imaluunniit nunaqarfinni innaallagissamik pilersuinermut tapertaasussatut.
Seqerngup qinngornerinit tigooraassuutit inuit namminneq pigisaat
Seqerngup qinngornerinit tigooraassutit (solcelleanlæg) pilersitsinissamut soqutiginninneq annertusiartorpoq – inuinnarni aammalu suliffeqarfinni.
Illit atortut pigisatit innaallagissap aqqutaannut pilersueqataassappata taava eqqaamassavat tamatuma akuersissutigineqarnissaa Nukissiorfinnut qinnuteqaatigissagakku. Seqerngup qinngornerinit tigooraassutinik ikkussuiniaraanni maleruaqqusat atuuttut uani takukkit.
