Nukissalik App-imut ilitsersuut

Nukissalimmi atuisunngorneq

Nukissalimmi ima atuisunngussaatit:

  1. Nukissalik App aajuk App store-kkut imaluunniit Google play-ikkut

 

  1. ”Iserit (log in)” tooruk

  1. ”Ilanngugit” tooruk

 

  1. Paasissutissat eqqortut immersuutereerukkit ”ilanngugit” tooruk

Immersuereeruit ”ilanngungit”-llu toorukku mailinnut link-imik nassiussisoqassaaq, linkimi tassani ilaasortanngornermut akuersissutissaq pissavat, taannalu toorlugu ilaasortanngornerit akueringukku ilaasortanngussaatit.

Akiliinermi Korti

Nukissalik aqqutigalungu biilitit immissangukkit korti akiliutigisartagassappit ikkunnissaa pisariaqarpoq. Korti akiliutigisartagassat ikkussimanngikkukku immiisinnaanngilatit. Immeereernerit tamaasa kort akiliutigisartagassarniit toqqaannaq ilanngaatsittassaatit, imaapporlu naliginnaasumik nukissiorfinniit innaallagissamut, imermut kiassarnermullu akiliisarnittut nukissamimmi akiliisinnaanak

App-imut iserit.

  1. “Aningaasiviga” tooruk “Akiliinerit ingerlatsinerillu” ataani

 

  1. ”akiliinissamut korti” tooruk

  1. Qulaani + tooruk

  1. Kort akiliutigisartagassat scanneruk, imaluunniit nammineq immersuuguk.


Siornatigut immiisimanikka

Immeereernerit tamaasa ”immiisimanermut allagartaq”-mik mailimut nassiussisoqartarpoq. Aamma immiisimanitit App-imi tamaasa takusinnaavatit:

  1. Qulaani “menu” tooruk

     2. “Akiliinerit ingerlatsinerit”-llu ataanni “ingerlatsinerit” tooruk. 



  1. ”ingerlatsinerit” ataani biilinut immiisimaninnut paasissutissat takusinnaavatit.


  1. ”akiligassiissutit” ataani Immiisimaninnut akiliisimanitit takusinnaavatit, tassanilu ajunngitsumik akilersimangukkit ”Paid” allaqqassaaq, akiliiniarneq iluatsinngitsoorsimappat ”Unpaid”-imik allaqqassaaq.

Nukissalimmi atuisuujunnaarneq?

Nukissalimmi atuisuujunnaarusukkuit App-ikkut atuisuunerit unitsissinnaavat.

RFID korteqaruit taakkua atuisuunerit unitseriarlugu igiinnarsinnaavatit, imaluunniit Nukissiorfiit allaffeqarfianut Issortarfimmut 3-mut utertissinnaavatit. (Taakkua RFID kortit 15. februar 2025 kingorna tunniussuunneri unitsinneqarput App atulermat)

Imaasiussaatit:

  1. Qulaani ”menu” tooruk

  1.  Uanga ilisarnaatiga tooruk

     

  2. Quppernermi allerpaamiittoq ”Delete Account” tooruk

4. Quppernermik nutaamik nuisoqarpat ”delete account” tooqqiinnassavat.

Uanga Ilisarnaatiga allallu.

  • “Uanga ilisarnaatiga”-mi illit nammineq atuisutut paasissutissaatitit takusinnaavaitit, aaqqitassaqaruillu paasissutissaatinnut tassuuna aaqqissinnaavatit.
  • ”inissiinerit” ataani akuersineq aamma nalunaarutit takusinnaavatit, tassani pineqarpoq immiisarninnut paasissutissat.
  • ”RFID -kortikka”-mi takusinnaavatit Illit atuisuuninnut immiissutigisinnaasatit. Tassa imaapput suli RFID korteqaruit kortippit normui tassuuna takusinnaavatit, aammalu qanga atulersimaneri atorunnaarsinnerilu takusinnaallugit.
  • ”Oqaatsit” iluani App-imi oqaatsit atorneqartut Danskisuunngorsinnaavatit, imaluunniit tuluttuunngorsinnaavatit.
  • ”Biilikka” iluani illit nammineq biilippit qanoq ittuuneri ikkussinnaavat, nukissalimmiilli piumasaqaataanngilaq ikkunnissai.
  • ”Anigit (Log ud)” tassuuna appimiit anillassaatit. Iseqqissanguillu isertaatit nammineq sananikuusatit atorlungit iseqqissinnaallutit.

Ikiuinermut sullissivik & Attaveqarfik

  • “Ikiuinermut sullissivik”-mmi nassaarisinnaavat saaffiginniffissat, ikiortinnissamulluunniit suliassanngortitsivik. Suliassanngortitsisimanermilu killiffik, imaluunniit sullissisumiit akissutit. Aammattaarlu pisariaqartitsinermi saaffiginniffissat tassani allaqqapput.
  • “Sullississutigut” toorukku Nukissiorfiit nittartagaanut ingerlateqqinneqassaatit. Tassani nutaarsiassat, paasissutissat tuniniaanermut pilersuinermullu malittarisassat takusinnaavatit

Sumi biilikka immersinnaavakka?

Nukissalimmi atuisutut nukissaliup immiissutaatai tamanut atorneqarsinnaasut tamaasa immiiffigisinnaavatit.

Taakkualu “Nunap assiga”-ni nanisinnaavatit

  

Taassumallu iluani takusinnaavat nunap assiga. Tassani ersipput immiissutip sumiiffii, atorneqarnersut atorneqannginnersulluunniit.

Qanoq immiineq aallartissava?

Immiineq aallartissinnaavat Appikkut QR kode imaluunniit immiissutip “friendly code”-a immersuullungu.

  

Immiissutip “Friendly Code”-a immiissutip saqqaani uani takusinnaavat:


  

Biilinut kabelera peerneq ajulerpoq.

Nukissalimmi biilinut immiisarfiit firmwareat (programmia) nutarterneqaqqammerpoq, tamannalu isumaqarpoq biilinut immiisarfiit isumannaannerulerput, immiissutit tillinniartoqarsinnaaneranut isumannaallisagaanerulermata. Taamaasilluni immiissummiit kabeli nusuinnarlungu immiinerup unitsissinnaanera ajornarnerulerluni, biilinulli immiineq RFID korti imaluunniit atorlugu unitsinneqarsinnaavoq, unitsinneqareerpalli aatsaat kabeli nusunneqarsinnaanngorluni.

(biililli ilaannut suli ajornanngilaq kabeli nusuinnarsinnaanera)

Immiisinnaanermut kabelit immiissummiit peerneq ajulerpat qanoq iliorsinnaavit?

nukissalik@nukissiorfiit.gl -mut saaffiginnissaatit, saaffiginnissutippit iluani ukua paasissutissat pisariaqartippagut: sumi peerneq ajulernersoq aammalu immiissutit “Friendly code”-a, taakkuninnga pisariaqartitsinitta pissutigaa systemitsinninngaanniit immiissut iserfigalungu immiissut aallaqqaataaneertikkutikku kabelip peersinnaanngussappat. Immiissutip ukuttaani “Friendly code” nanisinnaavat:

 


Immiinermut akiliineq iluatsinngitsoorpoq.

Hvis din betaling er mislykket, kan der være forskellige grunde.

Immiisimaninnut akiliiniarnerit iluatsinngitsoorsimappat assigiinngitsunik peqquteqarsinnaavoq:

  • Immiissut attaveerussimasinnaavoq
  • Bankkontonniit internet-ikkut ilanngaatsissinnaanerit qaminngatippat.
  • Kort akiliutit qaangiussimavoq.
  • Imaluunniit kontoppit imarisai amingarsimasinnaapput.

Ammiinermut akiliinerit iluatsinngitsoorsimappata nukissalimmut saaffiginnissaatit. Saaffiginnikkuit akilinngitsuukkavit ikassusaa tamakkiisoq paasitinneqassaaq, qanorlu akilersinnaaneritit.

Immiinernik akilinngitsuungaqaruit Nukissalimmi atuisuunerit matuneqarataannaavoq, immiisinnaajunnaarsinneqarlutillu.

Immiisinnaanerit matuneqarsimappat, akiitsutillu akilerukkit ingerlaginnaq immiisinnaanerit ammarneqaqqissaaq.


Saaffiginniffissat.

Mail:

nukissalik@nukissiorfiit.gl

kundeservice@nukissiorfiit.gl

Oqarasuaat:

80 11 50 ulluinnarni nal. 10-15