Nukissiorfiit atortunik katiterilluni misiligutaasumik suliniut Igalikumi 27. juuli 2017 atoqqaarfissiorpaa. Atortut katitikkat tassaapput seqerngup qinngornerinik tigooraassutit (solceller) aamma anorisaatit mikisut, taakku generatori dieselimik ingerlasoq nalinginnaasoq ilanngullugu nunaqarfimmut sarfamik nioqqutissiorput. Atortunut taamatuttaaq ilaavoq batteriinut toqqorsivik sarfaliamik sinneruttumik toqquisinnaasoq aammattaaq inverteri, taassuma atortut assigiinngitsut immikkoortuinik ataqatigiittumik ingerlanissaat aquppaa.
Aallartinnermit aamma misileraalluni ingerlatsinermit manna tikillugu misilittagarisat takutippaat, ilimanaateqarluinnartoq ikummatissanik nunamit pisunit atuinerup annikillisinneqarsinnaanera. Misileraalluni suliniummut siunertaavoq nalilersussallugu taamatut aaqqiinerup nunami maani sumiiffinni allani atorneqarsinnaanera, tassa ataavartumik tunngaveqartumik nukissiornerup annertusarneqarnissaanut. Igaliku paasissutissat
Kalaallit Nunaat assissaqanngilaq, angissutsimigut aamma pinngortitamigut alianaatsorsuakkut. Nukissiorfiit iluani atorfeqartutut sulianut tunngasutut ataatsimoorfimmi siamasissumi, Kalaallit Nunaanni tamarmi siammaqqasumi ilaalissaatit.
Pilersuisarneq sumiiffikkaani suliaqarfigaarput, aammalu Kalaallit Nunaannik pituttueqataavugut. Nukissiorfiit ilaatut inuiaqatigiinni suliassami pingaarutilimmi ilaalissaatit, tamaanilu siunissamik piujuartitsisuusumik pilersitsinissamut peqataaqataassaatit.
Sulisutta piginnaasaat assigiinngitsut pingaartippagut, aammalu kikkut tamarmik suliassaminnik isumaginnissinnaanissaannut atugassarisat pitsaanerpaat pilersinnissaat alaatsinaaffigalugu.
