Anorip nukinga siunissami nukissiuutinik pilersuinermi ataavartumit nukissiornermut pingaaruteqalersinnaavoq. Canadamiit Alaskamiillu assersuutit takutippaat teknologi taanna issitumi atorneqarluarsinnaasoq.
Anorip nukinga innaallagissiornermi allanut tapiutitut atorneqarsinnaavoq. Sumiiffinni erngup nukinganik nukissiorfiusinnaangitsuni imaluunniit periarfissat atuuttut atorluarnissaat akisuallaarpat, anorip nukinganik nukissiorneq naleqqussinnaavoq.
Anorisaatit atorneqarsinnaanerinut periarfissat Nukissiorfiit maannakkut misissorpaat. Siullermik Sisimiut Nanortalillu misissuiffiupput.
Nukissiorfiit ukiakkut 2018-imi Sisimiuni nunaqarfinni anorisaatit marluk napparpaat. Anorisaatit taakku marluk nunatsinni sumiiffinni assigiinngitsuni anorisaatinik taakkununnga assingusunik nappaannginnermi misileraataassapput. Anorisaatinik ingerlatsinermik innaallagissiornermillu ingerlaavartumik misilittagaqalernikkut anorisaatit taakku marluk Kalaallit Nunaanni nukissiornermut atorneqarsinnaasunik ataavartumik sapinngisamik atuinissaq pillugu Nukissiorfiit anguniagaqarneranni alloriarnerit pingaaruteqarput.
Anorisaatip sumi ikkunneqarnissaanik nalilersuinnginnermi, anorip silallu pissusaasa ilisimanissaat pingaartuuvoq. Nukissiorfiit taamaammat sumiiffinni arlalinni anorimik maannakkut uuttuipput, tassunga ilanngullugit Aasianni, Qasigiannguani, Nuummi Uummannamilu.
Kalaallit Nunaat assissaqanngilaq, angissutsimigut aamma pinngortitamigut alianaatsorsuakkut. Nukissiorfiit iluani atorfeqartutut sulianut tunngasutut ataatsimoorfimmi siamasissumi, Kalaallit Nunaanni tamarmi siammaqqasumi ilaalissaatit.
Pilersuisarneq sumiiffikkaani suliaqarfigaarput, aammalu Kalaallit Nunaannik pituttueqataavugut. Nukissiorfiit ilaatut inuiaqatigiinni suliassami pingaarutilimmi ilaalissaatit, tamaanilu siunissamik piujuartitsisuusumik pilersitsinissamut peqataaqataassaatit.
Sulisutta piginnaasaat assigiinngitsut pingaartippagut, aammalu kikkut tamarmik suliassaminnik isumaginnissinnaanissaannut atugassarisat pitsaanerpaat pilersinnissaat alaatsinaaffigalugu.
