Inuit namminneq pigisaminnik aamma suliffeqarfiit soqutigileriartuinnarpaat ataavartumik tunngaveqartumik nukissiummik atortoqalernissartik, soorlu assersuutigalugit seqerngup qinngorneranik katersuissutit aamma inoqutigiit anorisaataat. Tamanna pitsaasuuvoq aamma ilapittuutaalluni nukissiamik pilersuinerup minguitsuunerulernissaanut. Inuit nammineq nukissiornermut atortut pigisaanik atuineq sapinngisamik pitsaanerpaamik atuinissaat qulakkeerniarlugu, taava eqqarsaatigineqartariaqarpoq atortut sumut inissinneqarnissat aamma pilersuinerit sorliit taarserneqassanersut.
Atortunik mikisunik ikkussuinermut, ingerlatsinermut aamma aserfallatsaaliuinermut maleruaqqusat uani atuakkit.
Mianerisassat tassaapput:
Innaallagissamik ataavartumik tunngaveqartumik atortunit inuit nammineq pigisaannit sarfaq sinneruttoq, Nukissiorfiit isumaqatigiissuteqarfigalugit Nukissiorfiit pilersuinerminnut aqqutaannut nioqqutigineqarsinnaavoq. Sumiiffinni tamanna uuliamik sipaaruteqarnermik kinguneqarsinnaappat, taava Nukissiorfiit sipaarutigineqartoq tamanna, atortumik pilersitsisimasumut, akilissavaat. Sipaarutigineqartoq uuliap akianut atuuttumut naleqqiussilluni naatsorsorneqassaaq. Illoqarfinni imermik nukissiorfinnik peqartuni inuiaqatigiit piviusumik sipaaruteqarsinnaanngillat. Taamaattumik nammineq nioqqutissiorneq illoqarfini imermik nukissiorfeqartuni akiliisoqartanngilaq.
Piujuartumik nukissiuutinut akit atuuttut uani takukkit.
Nukissiorfiit aamma nukissiuutinik piujuartunik nammineq nukissiorneq
Kalaallit Nunaat assissaqanngilaq, angissutsimigut aamma pinngortitamigut alianaatsorsuakkut. Nukissiorfiit iluani atorfeqartutut sulianut tunngasutut ataatsimoorfimmi siamasissumi, Kalaallit Nunaanni tamarmi siammaqqasumi ilaalissaatit.
Pilersuisarneq sumiiffikkaani suliaqarfigaarput, aammalu Kalaallit Nunaannik pituttueqataavugut. Nukissiorfiit ilaatut inuiaqatigiinni suliassami pingaarutilimmi ilaalissaatit, tamaanilu siunissamik piujuartitsisuusumik pilersitsinissamut peqataaqataassaatit.
Sulisutta piginnaasaat assigiinngitsut pingaartippagut, aammalu kikkut tamarmik suliassaminnik isumaginnissinnaanissaannut atugassarisat pitsaanerpaat pilersinnissaat alaatsinaaffigalugu.
