Nukissiorfiit imermik imerneqarsinnaasumik illoqarfinnut 19-inut nunaqarfinnullu 51-inut pilersuisuuvoq. Tunisassioriaatsit pilersueriaatsillu sumiiffimmiit sumiiffimmut assigiinngiiaarput.
Nukissiorfiit ukiumut imeq imerneqarsinnaasoq 4,5 mio. m3 missaanniittoq tunisarpaat. Imeq siaruarterneqartoq tamarmi imerneqarsinnaasutut nalilerneqartarpoq. Tassa imaappoq, imeq taanna imertarparput, errorsinermi erruinermilu atortarlugu, kiisalu aalisakkerivinni atorneqartarluni. Erngup siaruarterneqartup affaata missaa aalisakkerivinni atorneqartarpoq.
Nukissiorfiit siunertaraat, Naalakkersuisut nukimmik imermillu pilersuineq pillugu pilersaarutaasa (novembari 2017) angutserlugit sulinissaq. Ukiut tulliuttut immikkut isiginiagassat tassaapput, atuisut imermik kuutseriaannarmik atuisut amerlinissaat, nunaqarfinni imermik nukiliorfinnik pilersitsinissaq, DDS-ip atulernissaa (Dokumenteret drikkevandssikkerhed), kiisalu ruujorit nutaanngilinikut taarsersornissaat.
Erngup akia januaari 2018 aallarnerfigalugu atuisunut nalinginnaasunut assigiilerpoq (atuisuni gruppe 1). Siornatigut sumiiffinni ataasiakkaani tunisassiorneq siammarterinerlu tunngavigalugit akit inissinneqartarput. Aalisakkerivinnut aki alla atorpoq.
Imermik assartuinermi akit atuuttut uani takusinnaavatit
Akit atuuttut uani takusinnaavatit.
Kalaallit Nunaat assissaqanngilaq, angissutsimigut aamma pinngortitamigut alianaatsorsuakkut. Nukissiorfiit iluani atorfeqartutut sulianut tunngasutut ataatsimoorfimmi siamasissumi, Kalaallit Nunaanni tamarmi siammaqqasumi ilaalissaatit.
Pilersuisarneq sumiiffikkaani suliaqarfigaarput, aammalu Kalaallit Nunaannik pituttueqataavugut. Nukissiorfiit ilaatut inuiaqatigiinni suliassami pingaarutilimmi ilaalissaatit, tamaanilu siunissamik piujuartitsisuusumik pilersitsinissamut peqataaqataassaatit.
Sulisutta piginnaasaat assigiinngitsut pingaartippagut, aammalu kikkut tamarmik suliassaminnik isumaginnissinnaanissaannut atugassarisat pitsaanerpaat pilersinnissaat alaatsinaaffigalugu.
