Erngup imerneqartussap minguitsuunissaa pitsaviunissaalu pingaaruteqarpoq. Taamaammat imeq illersorneqartarpoq assiaqusersorneqarluni, erngullu pitsaviunissaa anguniarlugu ukiup ingerlanerani imermik misiliinerit ingerlanneqartarput.
Illoqarfinni qaammammut ataaseq-marloriarluni misiliutinik mikrobiologiskiusunik tigusisoqartarpoq, nunaqarfinnilu ukiumut ataasiarluni. Misiliinernut sumiiffimmi imermik qanoq annertugisumik tunisassiortoqarnera tunngaviusarpoq.
Tatsit kuuillu, imermik tunisassiassamut atorneqartartut, mingutsinneqannginnissaat pillugu assiaqusersorneqartarput. Sumiiffimmi tassani tikeqqusaasut tikeqqusaanngitsullu nalunaarsorsimapput, tassanilu susoqaqqusaannginnera aamma nalunaarsorsimalluni.
Imeq imerneqartussaq mingutsinneqarsimasoq paasineqarpat qalatsitsinissamut inassutinik peqqussutinilluunniit nalunaaruteqartoqartarpoq. Imatut paasillugu, atuisut sumiiffinni mingutsitsiffiusuniittut imermik atuinnginnerminni piareersaaqqaartariaqartassapput.Â
Uani sumiiffiit imermik qalatseqqaarnissamik peqqussuteqarfiusut takusinnaavatit.
Uani takusinnaavat Qalatsitsinissamut ilitsersuut.
Nukissiorfiit pitsaanerpaamik imeqarnissaq sulissutigiuaannarpaat, qalatsitsinissamut inassutit peqqussutillu atortariaqartarnerat annikinnerpaatinniarlugu.Â
Ulloq unnuarlu qalatsitsinissamik peqqussutit (kogepåbudsdøgn) naatsorsorneqartut 2015-imiit 2017-imut 50 %-ingajammik annikillisimapput. Peqqutaa aajuna, Nukissiorfiit erngup pitsaviunissaanut suliarineqartarnissaalu sulissutigiuarpaat, pingaartumik nunaqarfinni. 2015-imi qalatsitsinissamut peqqussutit 2920-usimapput, 2017-imilu 1628-usimallutik.
Kalaallit Nunaat assissaqanngilaq, angissutsimigut aamma pinngortitamigut alianaatsorsuakkut. Nukissiorfiit iluani atorfeqartutut sulianut tunngasutut ataatsimoorfimmi siamasissumi, Kalaallit Nunaanni tamarmi siammaqqasumi ilaalissaatit.
Pilersuisarneq sumiiffikkaani suliaqarfigaarput, aammalu Kalaallit Nunaannik pituttueqataavugut. Nukissiorfiit ilaatut inuiaqatigiinni suliassami pingaarutilimmi ilaalissaatit, tamaanilu siunissamik piujuartitsisuusumik pilersitsinissamut peqataaqataassaatit.
Sulisutta piginnaasaat assigiinngitsut pingaartippagut, aammalu kikkut tamarmik suliassaminnik isumaginnissinnaanissaannut atugassarisat pitsaanerpaat pilersinnissaat alaatsinaaffigalugu.
