Kalaallit Nunaanni innaallagissamik pilersuinermi illoqarfiit nunaqarfiillu ataatsimut pilersugaanngillat. Sumiiffiit ataasiakkaat immikkut innaallagissiorfeqarput back-up-ilimmik. Qaqortoq Narsarlu minillugit, taakkumi Qorlortorsuarmi Erngup nukinganik innaallagissiorfimmiit pilersorneqarput.
Nukissiorfiit innaallagissiorfiini ledninngit aqqutigalugit innaallagiaq 132.000 voltit tungaannut sakkortussusilik ingerlaartarpoq. Transformerstationit illoqarfinniittut sakkukinnerusumik pilersuipput, taakkumi innaallagiaq 230 voltinngortittarpaat ikkuffinnut, 400 voltinngortittarlugulu errorsivinnut, kissarsuutinut assigisaannullu.
Transformerstationiniit innaallagiaq kabelskabinut ingerlasarpoq, taakkunaniillu illunut siammarterneqartarluni.
Kalaallit Nunaat assissaqanngilaq, angissutsimigut aamma pinngortitamigut alianaatsorsuakkut. Nukissiorfiit iluani atorfeqartutut sulianut tunngasutut ataatsimoorfimmi siamasissumi, Kalaallit Nunaanni tamarmi siammaqqasumi ilaalissaatit.
Pilersuisarneq sumiiffikkaani suliaqarfigaarput, aammalu Kalaallit Nunaannik pituttueqataavugut. Nukissiorfiit ilaatut inuiaqatigiinni suliassami pingaarutilimmi ilaalissaatit, tamaanilu siunissamik piujuartitsisuusumik pilersitsinissamut peqataaqataassaatit.
Sulisutta piginnaasaat assigiinngitsut pingaartippagut, aammalu kikkut tamarmik suliassaminnik isumaginnissinnaanissaannut atugassarisat pitsaanerpaat pilersinnissaat alaatsinaaffigalugu.
