Atuisut kiassarnermi atuinerat uttuutit elektroniskiusut atorlugit uuttorneqakkajuppoq, taamaalilluni Nukissiorfiit naluneq ajorpaat kiassarnermik atuineq qanoq annertutigisarnersoq akiligassamik nassiussigaangamik.
Uani atuinerit takusinnaavat, kiisalu siusinnerusukkut atuininnut sanillersuullugu.
Ullumikkut atuisut ilaat immikkut kiassarnermut uuttuuteqanngillat, taakku atuinerat ataatsimut naatsorsorneqartarpoq. Taakkua tassaapput inissiani pisoqqani najugallit, uuttuutimmi inissiani pisoqqaniittut inissiami tamarmi atuineq uuttortartarpaat. Akiligassat naatsorsueriaaseq immikkut ittoq atorlugu ineqartunut assigiissitaartumik agguaanneqartarpoq. Taamaaliornikkut najugaqartoq ataatsip sanilimi atuivallaarnera akileeqataaffigisinnaavaa.
Nukissiorfiit ineqartut peqatigalugit, ineqartut ataasiakkaat uttuutitaarnissaat anguniarlugu periarfissanik pilersitsiniarluni iliuuseqarpoq, una inatsit najoqqutaralugu Nukissamik pilersuineq pillugu Inatsisartut peqqussutaasa allanngortinneqarnera pillugu Inatsisartut inatsisaat nr. 41, 23. november 2017-imeersoq (Ataasiakkaarluni kiassarnermut uuttuutit).
Kalaallit Nunaat assissaqanngilaq, angissutsimigut aamma pinngortitamigut alianaatsorsuakkut. Nukissiorfiit iluani atorfeqartutut sulianut tunngasutut ataatsimoorfimmi siamasissumi, Kalaallit Nunaanni tamarmi siammaqqasumi ilaalissaatit.
Pilersuisarneq sumiiffikkaani suliaqarfigaarput, aammalu Kalaallit Nunaannik pituttueqataavugut. Nukissiorfiit ilaatut inuiaqatigiinni suliassami pingaarutilimmi ilaalissaatit, tamaanilu siunissamik piujuartitsisuusumik pilersitsinissamut peqataaqataassaatit.
Sulisutta piginnaasaat assigiinngitsut pingaartippagut, aammalu kikkut tamarmik suliassaminnik isumaginnissinnaanissaannut atugassarisat pitsaanerpaat pilersinnissaat alaatsinaaffigalugu.
