2025-mi saqqummiunneqartussamik app’imik nutaamik Nukissalik misileraalluni maannakkorpiaq ingerlataqarpoq. App’ip biilitit innaallagissamik ingerlatillit orsersornissaat oqilisaavigissavai, akiligassat takusinnaalersillugit, sumiissusersilluni, aamma qanitanni innaallagissamik orsersortarfinnik pissarsiaqarsinnaaneq takutissinaallugu. Maannakkorpiaq Nukissaliup app’iata app-store’mi aamma Google play store’mi nassaarineqarsinnaaneranik tamanna isumaqarpoq. App’i suli tamakkiisumik atuussinnaanngilaq, sulilu misileraanerup nalaaniippoq, taamaattumillu nittartagarput suli innersuussutigaarput una: https://webapp.nukissalik.gl/#/portal/locations
Nukissiorfiit immikkut pilersitsipput taamaallaat biilit innaallagiatortut immiisarfiinut tunngasunik. Tamanna taaguuteqarpoq Nukissalik avatangiisitta mianerinerunissaat tunngavigalugu pilersinneqartoq.
Ullumikkut Qaqortumi, Ilulissani aamma Nuummi immiisarfeqarpoq.
Illit biilivit innaallagiatortup imaluunniit hybridbiilivit sarfalersornissaannut sarfamut akigitinneqartoq qaqugukkulluunniit atuuttuusoq atorneqassaaq, maannakkut 1,87 kr./kWh-imut.
Nukissalik kikkut tamarmik illoqarfinni imermit nukissiaqarfinni immiisinnaanissaannut aqqutissiuiuarpoq, tassaasuni: Ilulissat, Narsaq, Nuuk, Qaqortoq, Sisimiut aamma Tasiilaq.
Illit nammineq atugassannik sarfalersuummik attartornissamut periarfissinneqarusukkuit Nukissiorfiit saaffigissavatit paasissutissanik amerlanerusunik piniarlutit aamma siunnersorneqarnissat kissaatigigukku.
Nukissalik immikkut pilersinneqarpoq Nukissiorfiit tuniniaanermini aamma pilersuinermini piumasaqaatai nalinginnaasut malittussaallugit, taakkua talerpiup tungaani toqqaaffissami takuneqarsinnaapput.
Aalajangersimasumut attuumassuteqartumut apeqqutissaqaruit uunga: nukissalik@nukissiorfiit.gl saaffiginneqquneqarputit.
Kalaallit Nunaat assissaqanngilaq, angissutsimigut aamma pinngortitamigut alianaatsorsuakkut. Nukissiorfiit iluani atorfeqartutut sulianut tunngasutut ataatsimoorfimmi siamasissumi, Kalaallit Nunaanni tamarmi siammaqqasumi ilaalissaatit.
Pilersuisarneq sumiiffikkaani suliaqarfigaarput, aammalu Kalaallit Nunaannik pituttueqataavugut. Nukissiorfiit ilaatut inuiaqatigiinni suliassami pingaarutilimmi ilaalissaatit, tamaanilu siunissamik piujuartitsisuusumik pilersitsinissamut peqataaqataassaatit.
Sulisutta piginnaasaat assigiinngitsut pingaartippagut, aammalu kikkut tamarmik suliassaminnik isumaginnissinnaanissaannut atugassarisat pitsaanerpaat pilersinnissaat alaatsinaaffigalugu.
