Atorfiit inuttassarsiuussat

Nukissiorfiit iluani suleqatissat nutaat ujartortuarpagut, immaqalu illit tassaavutit amigaaterput?

Atorfiit inuttaligassaatigut uani malittariuartakkit.

Kikkuuvugut?

Nukissiorfiit tassaavoq Kalaallit Nunaanni pilersuisarfittut suliffeqarfik 388-inik sulisoqarluni anginerpaaq. Kalaallit Nunaanni illoqarfinni 17-ini, aamma inoqarfinni 53-ini innuttaasut amerlanerpaartaannut innaallagissamik, imermik aamma kiassarnermik tunisassiortuuvugut, aamma pilersuisuuvugut. Anguniagarput tassaavoq pilersuinikkut isumannaassutsimik tutsuiginartumik qularnaarinissaq, aammalu atuisartutsinnut tamanut imermik imigassamik minguitsumik pilersuisarnissaq, taamaalisukkullu siunissaq minguinnerusoq sulissutigaarput, tamaanilu nukissaqarfiit atajuartut qitiusumik inissisimaffeqartuupput.

Nukissiorfinni ilaalerneq, aamma suliffeqarfik asseqanngitsoq

Kalaallit Nunaat assissaqanngilaq, angissutsimigut aamma pinngortitamigut alianaatsorsuakkut. Nukissiorfiit iluani atorfeqartutut sulianut tunngasutut ataatsimoorfimmi siamasissumi, Kalaallit Nunaanni tamarmi siammaqqasumi ilaalissaatit. Pilersuisarneq sumiiffikkaani suliaqarfigaarput, aammalu Kalaallit Nunaannik pituttueqataavugut. Nukissamik nunap pilersugariniarlugu suliaqarnerput assigiinngiiaartuuvoq, ilaannikkullu ajugaaffiginiagassaqartarluni. Nukissiorfiit ilaatut inuiaqatigiinni suliassami pingaarutilimmi ilaalissaatit, tamaanilu siunissamik piujuartitsisuusumik pilersitsinissamut peqataaqataassaatit.

Sulisutta piginnaasaat assigiinngitsut pingaartippagut, aammalu kikkut tamarmik suliassaminnik isumaginnissinnaanissaannut atugassarisat pitsaanerpaat pilersinnissaat alaatsinaaffigalugu.

Nukissiorfiit nunap immikkoortuinut arfinilinnut immikkoortitigaavoq, Nuummi qullersaqarfia inissisimalluni.