Inuiaqatigiinni akisussaaqataaneq

Inuiaqatigiinni akisussaaqataaneq pillugu politikki

Nukissiorfiit inuiaqatigiinni akisussaaqataaneq kiisalu innaallagissamik, imermik kiassarnermillu pilersuineq imminnut atasutut isigivaat. Tumit tassaapput Nukissiorfiit Inuiaqatigiinni akisussaaqataaneq pillugu politikkiat, aamma taaneqartartoq corporate social responsibility (CSR). Tassami Nukissiorfiit kissaatigaat ajunngitsunik siunertalinnik tumiliussallutik, pinngortitaq, isumaginninneq ileqqorissaarnerlu eqqarsaatigalugit.

Nukissiorfiit ukiumoortumik naatsorsuutaat 2017 aallarnerfigalugu CSR-imut nalunaarusiortalerpoq, Nukissiorfiit inuiaqatigiinnut akisussaaqataanerat pillugu killiffissiuinermik imaqartartussamik.

Tunissutisineq pillugu politikki

Nukissiorfiit sulisuisa suliffeqarfimmi atuuffitsik qularilinnginniassammassuk, Nukissiorfiit politikkerivaat sulisut sulinertik tunngavigalugu tunissutinik imaluuniit tapiissutinik pisassanngitsut. Tassani pineqanngillat akunnaatsuliinerni, ullorsiornerni assigisaannilu tunissutit.