200-t anorersuaq soqutiginagu takkupput

Inuppalaartumik, nuannersumik aamma nalliuttorsiornerpalaartumik Kalaallit Nunaanni imermit nukissiorfeqarnerup ukiunik 25-nngortorsiorneqarpoq. Inuit 200-t pallillugit Nuummi silarluk soqutiginagu nuannaarlutik takkupput.

Nuummi Katersortarfik sapaammi septembarip ulluisa 30-anni 2018 Kalaallit Nunaanni imermik nukissiornermut nalliuttorsiorfiuvoq. Inuussutissarsiornermut Nukissiornermullu Naalakkersuisoq kaffimut, tiimut kaaginullu tamanik aggersaavoq ukiunik 25-nngortorsiorneq malunnartinniarlugu.

Nalliuttorsiorneq aallartippoq nal. 14.00 Inuussutissarsiornermut Nukissiornermullu Naalakkersuisup, Aqqalu Jerimiassenip, 1. viceborgmesterip Randi Vestergaard Evaldsenip aamma Nukissiorfiit pisortaata Michael Pedersenip oqalugiaateqarnerannik. Maalia & Nukannguaq nipilersorlutik aliikkusersuipput ullorlu naallugu Nukissiorfiit sulisuilu nuannisaartitsisuullutik. Aammattaaq ”Hinnarik” aqqusaarpoq orniguttunut mikinernut nuannarineqaqisumik. Ulloq isumannaatsumik ingerlanneqarpoq Maren-Louise P. Kristensen akunniliilluni oqaluttoralugu.

Nukissiorfiit pisortaaq Michael Pedersen aaqqissuineq naammagisimaarluinnarpaa:
– Nuannerpoq illoqarfiup innuttai nalliuttorsioqatigerusummatigut. Ukiuni 25-ni nunamik imermit nukissiornermik pilersuisimasoq suliffeqarfik siuttuuffigalugu nuanneqaaq, suliffeqarfillu sullitanit taamatut kusanartumik tapersersorneqartoq. Nukissiorfiit kikkut tamaasa orniguttut qutsavigaat uagutsinnik ullormik nalliuttorsioqataasut.

Oqalugiaatit taakku pingasut uani atuarneqarsinnaapput.

Assit amerlanerit aamma video Facebookimi takuneqarsinnaapput.