Aasianni qamittoornermut patsisaasoq

Innaallagissiorfimmik pingaarnermik ataqatigiissillugu illoqarfimmut pilersuiffittut sillimmatitut innaallagissiorfimmi annikinnerusumik ikuallattoqarneranik tunngaveqartumik Aasianni innaallagissamik pilersuinermi sapaammi ull. 24. november 2024-mi qamittoortoqarpoq.

Nal. 07:30 ikuallattoqalerpoq, tamatuma kingornatigut qatserisartut takkupput qamiterinermilu ikiuillutik. Taamaalereermat pilersuineq attavileqqinneqarpoq. Taamaattorli siullermik sumiissusersineqarsinnaanngitsumi motoorit ilaanni malugissutaasartoq – føleri – ajortissimasoq pissutigalugu nal. 10 pilersuinermi qamittoortoqaqqippoq. Ajornartorsiutip iluarsinissaanut Nukissiorfiit sulisui assupilussuaq sulissuteqarput, illoqarfimmullu tamarmut nal. 11:20 pilersuineq attaveqaqqilerpoq. Qamittoornermi ajoqutit nassatarisaasimasut Nukissiorfiit ajuusaarutigai.