Nittartagaq nutaaq illit iluaqutissat

Nukissiorfiit sullittakkagut sapinngisarput tamaat pitsaasumik misigisaqarnissaat anguniartuarparput. Taamaattumik Nukissiorfiit nittartagaata ineriartortinnissaa sulissutigivarput taamaalilluni qupperneq ullutsinnut naleqqutissammat atoruminartuullunilu.

Nukissiorfiit ullumikkuminngaannit sullittakkat, suleqatigisartakkat aamma soqutiginnittut allat nittartakkatsinnut nutaamut aamma nutarterneqarsimasumut tikilluaqquagut: www.nukissiorfiit.gl.

Nittartagaq nutaaq atuisut pisariaqartitaat tunngavigalugit ilusilersorneqarpoq aamma naleqqussarneqarpoq. Paasissutissat pisariaqartut nanissallugit ajornanngitsuuvoq soorlu akit, ingerlatsinerup qanoq innera aamma sanaartornermi suliniutit ingerlanneqartut – tassani apeqqutaanngilaq quppernermut mobil, tablet imaluunniit PC sorliup atorneqarnera.

Nukissiorfiit kikkut tamaasa digitaliusumut “iseqquai” nittartagarput alakkaqqullugu neriuppugullu qupperneq sullittakkat nuannaarnissaanut aamma iluarisimaarinninnermut qulakkeerinninnermut peqataajumaartoq, paasissutissanut pisariaqartunut aamma piffissamik eqquisunik.