Nuugaatsiamut akiligassaq teknikkikkut kukkunermik pissuteqarpoq

Nukissiorfiit qularnaarlugu paasivaat teknikkikkut kukkusoqarneratigut Nuugaatsiami sullittakkamut kukkusoqarneratigut innaallagissamik atuinermut akiligassamik nassiussineq pisimasoq. Tassani pineqarpoq teknikkikkut kukkuneq maannakkut iluarsineqareersoq

Tassaarnersuaqarnerata kingornatigut 2017-imi Nuugaatsiami aamma Illorsuarni innaallagissamik atuinermut uuttortaatit tamarmik unitsinneqarput. Ajuusaarnartumik teknikkikkut kukkusoqarsimanera pissutaalluni ungasinngitsukkut Nuugaatsiaminngaannit qimarngunneqarsimasut ilaannut innaallagissamik atuinermut akiligassamik nassiussisoqarsimavoq. Soorunami sumiiffimmi tassani innaallagissamik atuisoqarsimanngilaq taamaattumillu akiligassaq akilerneqartussaanngilaq.

Nukissiorfiit akiligassiissutinut atortuini teknikkikkut kukkuneq, akiligassamik natsitsisimanermut pissutaasoq iluarsivaat. Tamatuma saniatigut Nukissiorfinnit qulakkeerneqarpoq sullittakkat allat kukkunermik taassuminnga eqqorneqarsimannginnerat, kiisalu siunissamik kukkunerup taassuma peqqinnginnissaa qulakkeerlugu.