Ukiortinnagu kiassaaneq akikinnerulissaaq

Kiassaatit sakkortusinissaat maannakkumiit akikinnerulerpoq. Akigitinneqartut kingumoortumik septembarip ulluisa aallaqqaataanniit 2018 appartinneqarput.

Inuussutissarsiornermut Nukissiuuteqarnermullu Naalakkersuisup Aqqalu Jerimiassenip, Nukissiorfiit kiassaanermut akigitinneqartunit MWh-mut 30 koruuninik appaaniarnera, akuersissutigaa. Tamanna ukioq manna siusinnerusukkut uuliap akiata appariarneranit patsiseqarpoq.

Nukissiorfiit kiassaanermut akiligassani septembarimi sullittakkanut nassiunneqartuni, akigitinneqartut appariarnerat naatsorsorlugu ilanngutereerpaa.

Kiassaanermut akigitinneqartut appasinnerit kingunerissavaat ilaqutariinnut inersimasunut marlunnut marlunnik qitornalinnut ukiumut 600 koruunit missaani sipaaruteqarnissaq.

Ungasianit kiassarnermut nalinginnaasumut kiisalu innaallagissamik kiassaanermut aalajangersimasumut akigitinneqartut 770 kr.-init 740 kr.-inut/MWh-mut appassapput, taamatullu kiassaanermut qaminneqarsinnaasumut akigitinneqartoq 710 kr.-init 680 kr.-inut/MWh-mut appariassalluni.