Ukiunik 25-nngortorsiorlutik nalliuttorsiortut pingasut

Ippassaq pingasunngornermi decembarip ulluisa aqqaneq-aappaanni Hotel Sisimiut immikkorluinnaq pisoqarfiuvoq. Nukissiorfinni atorfillit pingasut tamarmik immikkut ukiunik 25-nngortorsiorlutik nalliuttorsiornerat nalliussineqarpoq.

Nalliuttorsiortut pingasut tassaapput Knud Dalager, Oscar Delgado Rubiano aamma Frank Jeremiassen, tamarmik Sisimiuni Nukissiorfinni atorfeqartut.

Sisimiuni nunap immikkoortuani pisortaq, Jan Zachariassen, nalliuttorsiornermi qaaqqusisuuvoq tassani peqataapput ilaquttat, ikinngutit aamma suleqatit qaaqquneqarlutik.
– Soorunami assut tulluunnarpoq, Nukissiorfiit ataatsikkut allagartanik allaat pingasunik suleqatinut taamak pikkoritsigisunut tunniussimatigisunut aamma nuannarineqartigisunut tunniussisinnaanera. Ataatsimut isigalugu sulisugut nuannarisorujussuuagut, kiisalu ataatsikkut pingasut ukiunik 25-nngortorsiorlutik nalliuttorsiortut aamma takutippaat suliffipput nuannersuusoq, Jan Zachariassen oqarpoq.

Nalliuttorsiortut taakkua pingasut ilisarnaatigaat tamarmik ukiut ingerlanerini sulilluarsimasuunertik. Tamatuma saniatigut aammattaaq namminneq suliaqarfimmik saniatigut ataqqinnernermik aamma suliamikkut takutitsisimapput.

Oscar Delgado Rubiano ukiup naanerani soraarninngornissani toqqarsimavaa. Knud Dalager aamma Frank Jeremiassen Nukissiorfinni sulinertik ingerlatiinnassavaat.

Nukissiorfinnit nalliuttorsiortut pingasut tamaasa pilluaqqungaarpagut.


Billedtekst:
Nukissiorfinni nalliuttorsiortut pingasut ilaat marluk: Frank Jeremiassen aamma Knud Dalager.
Asseq: Nukissiorfiit