Nukissiorfiit allanik pingasunik imermut tankinik Uummannami inissiiniarput

Tamatuma kinguneranik illoqarfimmi tamarmi imermut tankit inissitsitikkat katillugit aqqaneq-marlunngornerat.

Imeqarfik imermik pajussisinnaalernera akuersissutigineqarpoq, taamaalilluni imermik tankit pingasut atorneqarunnaarlutik, taakku Ikerasammit imermik pajuttuinermut atorneqarsimagaluartut.

Maanna Uummannami imeqarfiup illoqarfimmi imermut tankinut aqqaneq-marlunnut pilersuinissaq isumagineqalerpoq.

Aammattaaq imeqarfimmit imermik imerneqarsinnaasumik imermut tankinut ikkussukkat illoqarfimmiittut siulliit aqqanillit ulikkaarlugit immerneqarput, Nukissiorfiillu sulissutigaat suli amerlanerusut imermut tankinut ikkussukkat ualeq manna immerneqarnissaat. Taamaalilluni illoqarfiup imermik pilersorneqarneranut pissutsinut nalinginnaasunut allornimininnguamik alloriartoqarpoq.