Uummannami nutaarsiassat nuannersut

Uummannami nutaarsiassat nuannersut

Uummannami erngup aqqutaa tamarmi uffarnissamut, errorsinissamut aamma eqqiaanissamut atorneqarsinnaanissaa akuersissutigineqarpoq:

Pinngortitamut Avatangiisinullu Naalakkersuisoqarfiup Nunatsinni Nakorsaaneq isumasioqatigalugu ullormi 21. oktobarimi 2019 aalajangerpaat erngup atorneqarsinnaanerata killilersorneqarnera allanngortinniarlugu Uummannami erngup aqqutaani sinneruttuni imaalillugu; imeq maanna uffarnermut, atisanik errorsinermut, erruinermut aamma eqqiaanermut atorneqarsinnaalerpoq. Erngup aqqutaani imeq suli imerneqarneqarnissamut atorneqarsinnaanngilaq. Imermi suli uuliaqalaarsinnaavoq, kisianni Pinngortitamut Avatangiisinullu Naalakkersuisoqarfiup aamma Nunatta Nakorsaanerata nalilerpaat uffarnissamut, atisanik errorsinissamut, erruinissamut aamma eqqiaanissamut atorneqarsinnaasoq.
– Issuaaneq tassunga killeqarpoq.

Tamatuma kinguneranik Uummannami sullinneqartartut tamarmik imermik maqittakkamik imeqartut imeq uffarnermut, atisanik errorsinermut, erruinermut aamma eqqiaanermut maanna atorsinnaalerpaat.

Tamatuma saniatigut tankinit imiisivinnit 35-nit imeq imerneqarsinnaasutut akuerineqarpoq, uffarnermut, atisanik errorsinermut, erruinermut aamma eqqiaanermut atorneqarsinnaasunngorluni.

Imiisiviit akuerineqartut nittartakkatsinni B-normui takuneqarsinnaapput.
Sullitat pineqartut aammattaaq Uummannami Nukissiorfinni sulisunit ilisimatinneqartarumaarput.