Kangaatsiami ajornartoornermi pilersuinermik pilersitsinissap killiffia

Nukissiorfiit ilungersorlutik sulissutigaat ajornartoornermi imermik pilersuinermik pilersitsinissaq. Kisianni sakkortuumik anorlernera pissutigalugu suli tatsimit Ippernanit tatsimut pingaarnermut imermik nuussinissaq iluatsinngilaq, tassani ajornartoonermi illoqarfimmut pilersuineq pilersinneqartussaagaluarpoq.

Anorlerunnaarnissaata tungaanut Nukssiorfiit Kangaatsiami qatserisartut suleqatigata tatsimit Ippernanit pumpinit inissitsiterinermut atatillugu.

Nukissiorfinnit Kangaatsiami Royal Greenlandip aalisakkerivia pisoq pissutsit pillugit ingerlaavartumik ilisimatinneqartarpoq. Aalisakkerivimmut suli imermit atuinermi piumasaqaatit sakkortuut piumasaqataapput, taamaaliornikkut illoqarfimmi innuttaasut imermik imerneqartussamik pissaqarnissaat qulakkeerniarlugu.

Immikkut illuinnartumik aasami panernersuaqarnera pissutaalluni Kangaatsiami tatsimi imiisiviusumik aarlerinartumik imeqarpallaanginneranut pissutaavoq.