Qalipakkat qiimmaallannartut

Nukissiorfinni nuannaarutigingaakkatsinnik Nuummi illuutitta ilaasa eqqumiitsulianik alutornarsarneqarnissaat pillugu neqeroorut qujarullugu tigusimavarput.

Suliamik, NAPA’mit Nuummilu innuttaasut ataatsimiititaliaannit taperneqartumik, eqqumiitsuliortutut suliamillu aqutsisutut ingerlatsisuuvoq Sacha Malinský, aamma taaguuteqartoq ”Cheeky”, taassumalu peqatigai eqqumiitsuliortut allat tallimat.

Eqqumiitsuliortutut ilinniarsimasut arfinillit taakku illoqarfimmik takujuminarsaanissartik kissaatigisimavaat, tamannalu siunniullugu Kommuneqarfik Sermersuup Pisoqartitsinermut Kultureqarnermullu immikkoortortaqarfianik suleqateqalersimallutik.
Tamatuma kingunerisaanik eqqumiitsuliortut illuutinik aalajangersimasunik alutornarsaanissaminnut akuerineqarput, taakkununnga ilaallutik Nukissiorfiit illuutaat Nuummiittut.

Eqqumiitsuliat naammasseriikkat, eqqumiitsuliortut ”Cheeky”p aamma Malik Chemnitzip suliaat, qiimmaallannartuuupput takujuminarlutillu, alapernaasernermik oqallinnermillu pilersitseqataasinnaasut.

Nukissiorfnniit suliat naammasisat kusanartut iluarisimaartorujussuuagut, neriuppugullu siunissami tamakkununnga assingusunik allanik suleqatigiissuteqartarumaarluta.