Tusagassiuutinut nalunaarummik erseqqissaaneq

Innaallagissap akiata qaffanissaa pillugu tusagassiuutinut nalunaarutitsinnut kingullermut atatillugu Nukissiorfiit pingaarutilinnik arlalinnik erseqqissaatissaqarput.

Salliutillugu nukissiuutinik pilersuinermi siunissami pingaanersiuinissanut suli oqallisigineqanngitsunut politikkikkut ingerlatsinermut piffissaanngitsukkut akiliunnertut paasineqarsinnaammat – paasineqarnikuummat.

Aamma tusagassiuutinut nalunaarut Nukissiorfiit innaallagissap akianik aalajangiisartuusut paasineqarsinnaammat ajuusaarutigissavarput.

Nukissiorfiit suliffeqarfiummat nammineertitaq, soorunami Naalakkersuisut kisimik innaallagissap, erngup kiaallu akianik aalajangiisarput.

Aamma Utoqqarmiut Kangerluarsunnguanni imermit nukissiorfiup allilernerani, Nuummi nuna tamakkerlugu ikuallaavissamit kiammik sinnerusuttumik atuinermi aamma Qasigiannguani Aasiannuli imermit nukissiorfimmik sanaatornermi inuiaqatigiinnut kingunissaanik nutartikkanik suli naatsorsuisoqarnikuunngilaq. Nukissiorfiit suliami tassani immikkut ilisimasalinnik atugassanngortitsilluarsinnaavoq.

Naatsorsuinerit isumaqatigiinniarnissanut aalajangiinissanullu tunngatillugu soorunami pingaaruteqarput.

Tusagassiuutinut siusinnerusukkut nalunaarummi Nukissiorfiit kissaatigisaat tassaaginnarpoq Utoqqarmiut Kangerluarsunnguanni imermit nukissiorfik imissaarutissappat kingunerisinnaasaannik ajortunik oqaluttuarnissaq.

Naalakkersuisut Nukissiuutinik imermillu pilersuinermut immikkoortumut pilersaaruttip malinnissaa taamaalilluni sumiluunniit taamaaliorfiusinnaasuni piujuartumik nukissiuuteqarnissap qulakkeerneqarnissaa Nukissiorfiit kissaatigaat.

Annertunerusunik paasisaqarusukkuit Pisortat Allatseqarfianni Pisortaq Sune Tougaard uunga suto@nukissiorfiit.gl attaveqarfigiuk.