Nukissiorfiit pilersuinerannut inatsisitigut malittarisassat pingaarnertut Aningaasanik inatsimmi, nukissiuutinik pilersuineq pillugu Inatsisartut peqqussutaanni 1997-imeersumi (kingusinnerusukkut allannguuteqartumi) aamma imermik pilersuineq pillugu Inatsisartut peqqussutaanni 2007-imeersumi allaqqapput.
Inatsisit, peqqussutit nalunaarutillu nukissiuutinik imermillu pilersuinermut attuumasut uani atuarneqarsinnaapput. Nukissiorfiit nioqquteqarnermut aamma pilersuinermut piumasaqaataat uani atuarneqarsinnaapput.
Kalaallit Nunaat assissaqanngilaq, angissutsimigut aamma pinngortitamigut alianaatsorsuakkut. Nukissiorfiit iluani atorfeqartutut sulianut tunngasutut ataatsimoorfimmi siamasissumi, Kalaallit Nunaanni tamarmi siammaqqasumi ilaalissaatit.
Pilersuisarneq sumiiffikkaani suliaqarfigaarput, aammalu Kalaallit Nunaannik pituttueqataavugut. Nukissiorfiit ilaatut inuiaqatigiinni suliassami pingaarutilimmi ilaalissaatit, tamaanilu siunissamik piujuartitsisuusumik pilersitsinissamut peqataaqataassaatit.
Sulisutta piginnaasaat assigiinngitsut pingaartippagut, aammalu kikkut tamarmik suliassaminnik isumaginnissinnaanissaannut atugassarisat pitsaanerpaat pilersinnissaat alaatsinaaffigalugu.
