Nukissiorfiit 2023 tikillugu iliuusissanik pilersaarusiorsimavoq, taaneqartoq Nukissiorfiit 2030-mi patajaatsut. Iliuusissatut pilersaarusiap Nukissiorfiit qitiusumik suliffeqarfittut 2030 tikillugu siunertalerpaa. Iliuusissatut pilersaarusiami assigiinngitsunik anguniagassartaqarpoq, taakkualu sisamanik iliuusissatut pilersaarusianik tunngaveqarlutik ingerlanneqassallutik.
Pilersuinermut isumannaallisaaneq:
Kalaallit Nunaat tamakkerlugu innuttaasunut pilersuinerput tatiginartuussaaq.
Pilersuineq pitsaasoq:
Pilersuinerput pitsaasuuvoq, pilersuinitsinnullu isumannaallisaanermut, akissatut aalajangersaanermut mingutsitsinngitsumullu ikaarsaariarnermut isumannaarisuulluni.
Mingutsitsinngitsumut ikaarsaarneq:
Suliffeqarfiuvugut mingutsitsinngitsumut ikaarsaaruteqartut – nioqqutitsinni aamma suliffeqarfitta iluani.
Suliffeqarfiup kulturia piginnaasallu:
Piginnaasat eqqortut kajumissassavagut sulisuttalu aamma aqutsisut ingerlalluarnissaat ineriartornissaallu pitsanngorsaaffigigalutigit.
Iliuusissatut periusissiap pingaarnertut suliagut sillimaffigai, ulluinnarnilu Nukissiorfiit suliarisartagaannut attuumassuteqarluni. Aningaasatigut imminut akilersinnaasumik pilersuinermut isumannaallisaanermik suliaqarpugut, tassanilu mingutsitsinngitsumut ikaarsaariartornermut eqqumaffigisassat pitsanngorsagassallu sillimaffigineqarlutik, kiisalu suliffeqarfipput eqqortunik piginnaasaqarlunilu sulinermut piumasaqaaateqarluni.
Nukissiorfiit sulisuisa suliffeqarfimmi atuuffitsik qularilinnginniassammassuk, Nukissiorfiit politikkerivaat sulisut sulinertik tunngavigalugu tunissutinik imaluuniit tapiissutinik pisassanngitsut. Tassani pineqanngillat akunnaatsuliinerni, ullorsiornerni assigisaannilu tunissutit.
Kalaallit Nunaat assissaqanngilaq, angissutsimigut aamma pinngortitamigut alianaatsorsuakkut. Nukissiorfiit iluani atorfeqartutut sulianut tunngasutut ataatsimoorfimmi siamasissumi, Kalaallit Nunaanni tamarmi siammaqqasumi ilaalissaatit.
Pilersuisarneq sumiiffikkaani suliaqarfigaarput, aammalu Kalaallit Nunaannik pituttueqataavugut. Nukissiorfiit ilaatut inuiaqatigiinni suliassami pingaarutilimmi ilaalissaatit, tamaanilu siunissamik piujuartitsisuusumik pilersitsinissamut peqataaqataassaatit.
Sulisutta piginnaasaat assigiinngitsut pingaartippagut, aammalu kikkut tamarmik suliassaminnik isumaginnissinnaanissaannut atugassarisat pitsaanerpaat pilersinnissaat alaatsinaaffigalugu.
