Nukissiorfiit iluani kinaassutsimik isertuussilluni nalunaaruteqartarnermut aaqqiissut (whistlebloweriunermut aaqqiissut)

Pisortat suliffeqarfiutaattut akisussaaffeqartutut Nukissiorfiit iluani unioqqutitsisarnernut, aamma annertuunik naapertuuttuunngitsunut naleqqiullugu ammasuunermik aamma tamanik takunnissinnaanermik pilersitsinissaq Nukissiorfiit kissaatigaa. Taamaattumik Nukissiorfiit iluani sulisut tamaasa, kiisalu ingerlatseqatigiiffiup suleqatigisai naapertuuttuunngitsunik taama ittunik ilisimasaqassagunik uagutsinnut ilisimatitsisarnissaat kaammattuutigaarput.

Kinaassutsimik isertuussilluni nalunaaruteqartarnermut aaqqiissummut (whistlebloweriunermut aaqqiissummut) nalunaaruteqartarnerit Naalakkersuisuni immikkut ittutut nittartakkami pilersitami pisarput, tassanilu nalunaaruteqartoq kinaassutsiminik isertuussisinnaavoq:

Whistlebloweriunermut aaqqiissummut linki uani nassaarineqarsinnaavoq.

Pissutsit suut nalunaarutigisinnaavigit?

Assersuutigalugit pissutsit makku pillugit nalunaaruteqarsinnaavutit:

• aningaasaqarnermi pinerluttuliorneq, soorlu aningaasanik paarisanik tillinneq, akiliilluni peqquserlutsitsineq, peqquserlunneq aamma allagaatitigut eqqunngitsuliorneq
• iliuutsinik aamma periutsinik naapertuutinngitsunik, imaluunniit salloqittaatinik atuinerit
• sullivimmi isumannaassusermik annertuunik ajoqusiinerit
• avatangiisit pillugit malittarisassianik annertuunik ajoqusiinerit, aamma avatangiisinik mingutsitsinerit
• timi atorlugu nakuusernerit, aarlerisaarinerit, aamma kinguaassiuutitigut kanngunarsaanerit
• Nukissiorfiit suliarisaanit aamma timitalittut ivertitaanit inuit pisinnaatitaaffiinut killup tungaanut sunniinerit

Pissutsit sorliit nalunaarutigisinnaassanngiligit?

Sulisunut tunngasutut pissutsit, soorlu suleqatigiit akornanni aaqqiagiinnginnerit, isumaqatigiissutinik unioqqutitsinerit, imaluunniit imigassartornermut aamma aanngajaarniutinut malittarisassianik unioqqutitsinerit HR-imut nalunaarutigineqassapput.

Nalunaarutit kikkut suliarisarpaat?

Nukissiorfiit tassaavoq pisortat suliffeqarfiutaat, tamatumalu nassataraa Naalakkersuisunik qullersaqarnerput. Taamaalillutik nalunaarutinik tigusinnittartut aamma suliarinnittartut tassaapput Naalakkersuisut. Kinaassutsimik isertuussilluni nalunaaruteqartarnermut aaqqiissut – whistlebloweriunermut aaqqiissut – pillugu naalunaarutit aamma paasissutissat amerlanerit Naalakkersuisut nittartagaanni nassaarineqarsinnaapput. Annermik atuarit uani.