Eqqarsaatigisimaviuk ilinniarnerit naammassigukku suna suliarissanerlugu?
Illit Nukissiorfinni suliffeqarfimmi ulloq qanoq ingerlasarnersoq misigisaqarfigisinnaavat aamma suliassat suliarineqarneranni peqataasinnaavutit, tamakkua illit misigisaqarfigisinnaavatit aamma ilinnut iluaqutaasinnaapput ilinniakkamik ingerlatsilernissannut ingerlariaqqinnissavit tungaanut.
Illit, meeqqat atuarfianni atuarnerit naammassereerukku, Nukissiorfiit ikiorusuppaatit taamatullu inuiaqatigiit pitsaasumik ineriartornissaannut peqataalluni. Meeqqat atuarfianni atuartutut uagutsinni praktikkeruit, taava suliatigut sammisani arlalippassuarni soqutigisatit misilittarsinnaavatit. Suliffeqarfinni anginersanut ilaavugut nuna tamakkerlugu immikkoortortaqarfeqarluta.
Uagut praktikkerfissat neqeroorutigisagut tassaapput nioqqutissiornermi kiisalu innaallagissamik, imermik aamma kiassaanermik siaruarterineq, aammattaaq sinerissami taamatullu qullersaqarfimmi allaffissornermi. Matuma ataaniittoq skema Nukissiorfinni praktikkernissamut qinnuteqaateqarnissanut isumasassarsiorfigisinnaavat.
Sumiiffik | Allaffissorneq allaffillu | Teknik pillugu ikiuisarneq | Nioqqutissiorneq | |
|---|---|---|---|---|
Nuuk |
| Ingeniøri | Innaallagialerisoq | |
ILAAT | Kontorfuldmægtig: Sulisut pillugit allaffissornermi suliaqarneq | Ingeniøri | Innaallagialerisoq |
Qullersaqarfimmi atuartut marlukkaarnissaat periarfissaqarpoq. Praktikkernissamut isumaqatigiissuteqannginninni oqaloqatigisassavatsigit. Oqaloqatigiinnermi illit suut naatsorsuutigisinnaaneritit oqaloqatigiissutigissavagut aamma praktikkernerup ingerlanerani illit suut misilittarusunneritit. Nioqqutissiornermi ingerlatsivinni aamma sinerissami nalinginnaasumik ataasikkaartut praktikkersinnaapput.
Nukissiorfinni suliffimmi praktikkernissanni ingerlanissat sapinngisamik pissanganartuutinniarlugu taava ilinninngaanniit qinnuteqaammik peqqaarusuppugut.
Qinnuteqaatinni allaaserissavatit suut pikkoriffiginerlugit aamma suut soqutigisarinerlugit, paasissutissat makkua ilanngullugit ilaatigut qaqugu praktikkissanerlugit aammattaaq tamaatut ingerlaninni sulererusunnerlutit. Illit soqutigisatit soorlu assersuutigalugu tassaasinnaapput assassorusullutit, allatassanik allakkusullutit, kisitsisinut tunngasunik suliaqarusullutit soorlu regneark, assiliisarusullutit, videoliorusullutit imaluunniit atortunik aallartitserusullutit. Illit soqutigisatit aallavigalugit taava ingerlavissaq ilinnut tulluartoq aaqqissuutissavarput.
Qinnuteqaatit nassiuguk uunga HR@nukissiorfiit.gl
Tusarfiginissat qilanaaraarput.
Kalaallit Nunaat assissaqanngilaq, angissutsimigut aamma pinngortitamigut alianaatsorsuakkut. Nukissiorfiit iluani atorfeqartutut sulianut tunngasutut ataatsimoorfimmi siamasissumi, Kalaallit Nunaanni tamarmi siammaqqasumi ilaalissaatit.
Pilersuisarneq sumiiffikkaani suliaqarfigaarput, aammalu Kalaallit Nunaannik pituttueqataavugut. Nukissiorfiit ilaatut inuiaqatigiinni suliassami pingaarutilimmi ilaalissaatit, tamaanilu siunissamik piujuartitsisuusumik pilersitsinissamut peqataaqataassaatit.
Sulisutta piginnaasaat assigiinngitsut pingaartippagut, aammalu kikkut tamarmik suliassaminnik isumaginnissinnaanissaannut atugassarisat pitsaanerpaat pilersinnissaat alaatsinaaffigalugu.
