Ameraliup kangerluata imaatigut angallavigineqarsinnaanera ulluni 3. - 17. augusti ilanngullugu killeqassaaq, Nukissiorfiit ulluni taakkunani kangerluk ikaarlugu innaallagissap aqqutaanik kabilersuarmik 2024-p naanerani anorersuarmit ajoquserneqartumik taarsiilluni suliaqartussaammat.
Kabilersuit innaallagissamut Utoqqarmiut Kangerluarsunnguanni erngup nukinganik nukissiorfimmeersumut aqqutaapput. Nuup innaallagissamik siunissami isumannaannerusumik pilersorneqartuarneqarnissaa isumannaarniarlugu iluarsartuussisoqassaaq. Innaallagissap aqqutaanik nutaamik ikkussinikkut innaallagiaaruttarneq annikillisarneqassaaq.
Ullut Ameralikkoorsinnaaffiit uuma ataani pilersaarummi atuarsinnaavatit. Ullut allannguuteqarsinnaammata quppernerup uuma malinnaavigineqarnissaa innersuussutigissavarput.
Ulloq | Ammavoq / Matoqqavoq |
|---|---|
Ataasinngorneq 3. august | Ulloq unnuarlu ammavoq |
Marlunngorneq 4. august | Ulloq unnuarlu ammavoq |
Pingasunngorneq 5. august | Ulloq unnuarlu ammavoq |
Sisamanngorneq 6. august | Ulloq unnuarlu matoqqavoq |
Tallimanngorneq 7. august | Ulluunerani matoqqalluni unnuakkut ammassaaq (nal. 07:00 -23:00) |
Arfininngorneq 8. august | Ulluunerani matoqqalluni unnuakkut ammassaaq (nal. 07:00 -23:00) |
Sapaat 9. august | Ulluunerani matoqqalluni unnuakkut ammassaaq (nal. 07:00 -23:00) |
Ataasinngorneq 10. august | Ulluunerani matoqqalluni unnuakkut ammassaaq (nal. 07:00 -23:00) |
Marlunngorneq 11. august | Ulloq unnuarlu matoqqavoq |
Pingasunngorneq 12. august | Ulloq unnuarlu matoqqavoq |
Sisamanngorneq 13. august | Ulloq unnuarlu matoqqavoq |
Tallimanngorneq 14. august | Ulloq unnuarlu matoqqavoq |
Arfininngorneq 15. august | Ulloq unnuarlu matoqqavoq |
Sapaat 16. august | Ulluunerani matoqqalluni unnuakkut ammassaaq (nal. 23:00-07:00) |
Ataasinngorneq 17. august | Ulloq unnuarlu ammavoq |
Â
Ameraliup matoqqagallarnissaata angallattunut akornusersuisinnaanera eqqumaffigaarput, ullunili taakkunani suliaq naammassiniarneqassaaq taamaalinerani sila atoruminarnerusarmat, suliffeqarfiillu suleqatigisat nunatta avataaneersut ulluni taakkunanerpiaq suliamik ingerlatsinissamut periarfissaqarmata. Suliffeqarfiit iluarsartuussinermik suliaqartussat tassaapput:
 AF Elkraft aamma Kraftmontasje. Â
Ameralimmik matoqqatitsigallarnissap angalasunut akornusersuisinnaanera ajuusaarutigaarput, angallannermili isumannaallisaaneq siunissamilu innaallagissamik ataavartumik pilersuinissaq pingaaruteqarmata matoqqatitsinissap malinneqarnissaa aamma pingaaruteqarpoq.Â
Apeqqutissaqarussi apeqqutisi mailimut uunga nassiussinnaavasi: kundeservice@nukissiorfiit.gl Â
Â
Aap. Imaatigut angalasunut nakkutiginnittunik angallateqassaaq, kangerlummik matoqqatitsineq malinneqarnersoq qulakkeerniarlugu.
Tamanna naatsorsuutiginngilarput, Nuulli piffissap ilaani innaallagissiorfimmit dieselitortumit Nuummiittumit innaallagissamik pilersorneqartassaaq, pilersuinerlu suliaqarnermit akornuserneqassappat, tamanna Nukissiorfiit nittartagaatigut facebookimilu qupperneratigut ilisimatitsissutigineqassaaq.
Suliamik ingerlatsineq apeqqutaasussaammat qassinut ammarneqartarnissaa aalajangeruminaappoq.
Ammassatillugulu ammarnissaanut utaqqinartarsinnaanera naatsorsuutigineqassaaq.Â
Â
Iluarsartuussinerup angalasunut piniarianullu akornusersuisinnaanera eqqumaffigaarput. Wirerersuarnik suliaqarneq ajornakusoortuummat avataaniit immikkut ilisimasallit iluarsartuussitinneqassapput, taakkualu suliamik ingerlatsinissamut pilersaarutaat silallu taamaalinerani atoruminarnerusarnera naapertorlugit iluarsartuussinissaq ullulerneqarpoq, kinguaattoortoqarsinnaanera sapinngisamik pinngitsoortikkumallugu.
Kalaallit Nunaat assissaqanngilaq, angissutsimigut aamma pinngortitamigut alianaatsorsuakkut. Nukissiorfiit iluani atorfeqartutut sulianut tunngasutut ataatsimoorfimmi siamasissumi, Kalaallit Nunaanni tamarmi siammaqqasumi ilaalissaatit.
Pilersuisarneq sumiiffikkaani suliaqarfigaarput, aammalu Kalaallit Nunaannik pituttueqataavugut. Nukissiorfiit ilaatut inuiaqatigiinni suliassami pingaarutilimmi ilaalissaatit, tamaanilu siunissamik piujuartitsisuusumik pilersitsinissamut peqataaqataassaatit.
Sulisutta piginnaasaat assigiinngitsut pingaartippagut, aammalu kikkut tamarmik suliassaminnik isumaginnissinnaanissaannut atugassarisat pitsaanerpaat pilersinnissaat alaatsinaaffigalugu.
