Erngup imerneqartussap minguitsuunissaa pitsaviuunissaalu pingaaruteqarpoq. Taamaammat imeq illersorneqartarpoq assiaqusersorneqarluni, erngullu pitsaviunissaa anguniarlugu ukiup ingerlanerani imermik misiliinerit ingerlanneqartarput.
Illoqarfinni qaammammut ataaseq-marloriarluni misiliutinik mikrobiologiskiusunik tigusisoqartarpoq, nunaqarfinnilu ukiumut ataasiarluni. Misiliinerit sumiiffimmi imermik qanoq annertugisumik tunisassiortoqarnera tunngaviusarpoq.
Tatsit kuuillu, imermik tunisassiassamut atorneqartartut, mingutsinneqannginnissaat piniarlugu assersorneqartarput. Sumiiffimmi tassani sumiiffigeqqusaasut sumiiffigeqqusaanngitsullu nalunaarsorsimapput, tassanilu susoqaqqusaannginnera aamma nalunaarsorsimalluni.
Imermi imerneqartussami mingutsitsinermik paasisaqartoqarsimagaangat qalatsitsinissamut kajumissaarutinik peqqussutinilluunniit nalunaaruteqartoqartarpoq. Imatut paasillugu, atuisut sumiiffinni mingutsitsiffiusuniittut imermik atuinnginnerminni piareersaaqqaartariaqartassapput.
Uani sumiiffiit nalunaarsorneqarnikut, qalatsitsinissamullu peqqussutillit takusinnaavatit.
Qalatsitsinissamut ilitsersuuterput uani takusinnaavat.
Nukssiorfiit pitsaanerpaamik imeqarnissaq sulissutigiuaannarpaa, qalatsitsinissamut kajumissaarutit peqqussutillu atortariaqartarnerat annikinnerpaajutinniarlugu.
Qalatsitsinissamut peqqussutit (kogepåbudsdøgn) naatsorsorneqartut 2015-imiit 2017-imut 50 %-ingajammik annikillisimapput. Peqqutaa aajuna, Nukissiorfiit erngup pitsaviunissaanut suliarineqartarnissaanullu sulissutigiuaramikku, ingammik nunaqarfinni. 2015-imi qalatsitsinissamut peqqussutit 2920-usimapput, 2017-imilu 1628-usimallutik.
Nukissiorfiit imermik pilersuiviit pillugit suliaat ukiuni tulliuttuni ingerlatiinnassavaat. Suliat taakku Nukissiorfiit anguniagaannut, Nukimmik imermillu pilersuineq pillugu pilersaarut, naapertuussaapput.
Kalaallit Nunaat assissaqanngilaq, angissutsimigut aamma pinngortitamigut alianaatsorsuakkut. Nukissiorfiit iluani atorfeqartutut sulianut tunngasutut ataatsimoorfimmi siamasissumi, Kalaallit Nunaanni tamarmi siammaqqasumi ilaalissaatit.
Pilersuisarneq sumiiffikkaani suliaqarfigaarput, aammalu Kalaallit Nunaannik pituttueqataavugut. Nukissiorfiit ilaatut inuiaqatigiinni suliassami pingaarutilimmi ilaalissaatit, tamaanilu siunissamik piujuartitsisuusumik pilersitsinissamut peqataaqataassaatit.
Sulisutta piginnaasaat assigiinngitsut pingaartippagut, aammalu kikkut tamarmik suliassaminnik isumaginnissinnaanissaannut atugassarisat pitsaanerpaat pilersinnissaat alaatsinaaffigalugu.
