Akissuteqarnissamut piffissarititaasoq sivitsorneqarpoq

Nukissiorfiit sullittakkat iluarisimaarinninnerannut misissuinermi akissuteqarnissamut kingusinnerpaamik piffissarititaasoq sivitsorpaat, tamatumunnga pissutaavoq assartuinermi unamminartut.

Apeqqutinut immersorlugit akineqartussanut akissuteqarnissamut piffissarititaasoq kingullerpaaq nutaaq tassaavoq 1. februar 2019.

Nukissiorfinnit kissaatigineqarpoq sapinngisamik amerlanerpaanit pissarsiaqarnissaq, taamaalilluta piviusumik takusinnaalissagatsigu sulinermut sukkut pitsaanerulersinnaaneripput. Tassami Nukissiorfiit anguniarpaat sullitatsinnut suli pitsaanerusumik sullisinissarput illoqarfinni aamma nunaqarfinni tamani. Taamaattumik Nukissiorfinnut pingaaruteqarpoq sapinngisamik sullittakkanit akissuteqaatit imartunerpaat tunngavigineqarnissaat, taamaattumik akissuteqarnissamut piffissarititaasoq maannakkut sivitsorneqarpoq.

Nukissiorfiit aaliangiunnikuaat elektronisk-imik apeqqutit akineqarnissaat tamatumuunakkut pissanngitsoq peqqutigalugu sullitagut amerlasuut tamatumuunakkut periarfissaat annikimmat. Taamaakkaluartoq suliffeqarfinnut apeqqutit E-mail-ikkut nassiussornikuuagut apeqqutillu allakkatigut sullitatsinnut toqqarsimasatsinnut nunaqarfinni illoqarfinnilu nassiussornikuullutigit. Makitsissutigineqartussat 4×500 kr illoqarfinni tamani kiisalu 1×500 kr nunaqarfinni tamani aatsaat 8. februar 2019 pissaaq. Sullitagut maannamut immersukkaminnik tunniussereersimasut toqqaannartumik makitsinissamut peqataatinneqassapput. Inoqutigiinni apeqqutinut akinissaq ataasiaannarluni taamaallaat pisinnaavoq.

Sullissinitsinni nunaqarfinni illoqarfinnilu suli pitsaanerulerumalluta innaallagiaqarnermut, imeqarnermut kiassarnermullu sullissinnerput illit qanoq isumaqarfiginerit paasissallugu uatsinnut pingaaruteqarpoq.

Akissutissavit tigunissaat qilanaaraarput mannalu iluatsillugu juullisiorluarnissannik ukiumullu nutaamut nukissaqarluarlutit iserluarnissannik kissaappatsigit.