Iliuuseqarneq angusaqarnermik takutitsivoq

Eqalugaarsunni imermik qalaasseqqaarnissamik inassuteqarneq aammattaaq maanna unitsinneqarpoq. Qalaasseqqaarnissamut inassuteqarnerit unitsinneqartut piffissap sivikitsuinnaap ingerlanerani tassa taanna sisamassaaraat

Qaammatit taakku ikittuinnaat ingerlanerini siulliuvoq Qassiarsuk, taava Sarfannguit tulliulluni illoqarfik Kangaatsiaq. Imermit misissuinerit kingulliit takutippaa imermik qalaasseqqaarnissamik Eqalugaarsunni inassuteqaat 2016-imili atuussimasoq, maannakkut taamaatinneqarsinnaasoq.

– Ajunngitsumik ingerlavugut aamma ungasinngitsukkut qangali qalaasseqqaarnissamik inassuteqaatit tamaasa atorunnaarsissinnaassavagut. Eqalugaarsuit tassaapput pitsaasumik aamma ilungersorluni sulissuteqarnerup inernera pitsaasoq, nunaqarfinni imeqarfitsinnik pitsanngorsaanikkut, Mogens Nielsen teknikkeqarnermut pisortaq oqaluttuarpoq.

Nukissiorfiit Eqalugaarsunni nunaqarfimmi imeqarfiat annertuumik iluarsaanneqaqqammerpoq aamma imermik misissuinerit kingullerpaat takutippat erngup pitsaassusia naammaginartoq. Taamaattumik ullumikkut imermik qalaasseqqaarnissamut inassuteqaat 2016-imeersoq taamaatinneqarsinnaavoq.
Qassiarsummik imeqarfimmi aamma taamaattoqarpoq tassani nunaqarfimmi innuttasut novembarimi, nutaarsiassarsisinneqarput imermit qalaassinissamut inassuteqaat 2013-imeeroq unitsinneqartoq.
Sarfannguit eqqarsaatigalugit imertartarfik ataaseq mingutsinneqarsimasoq iluarsaanneqarpoq taamatullu ruujorip aqqutaa nuunneqarluni, tamatumalu kingunerisaanik imeq minguinnerulerpoq aamma qalaasseqqaarnissamik inassuteqaat unitsinneqarluni. Tamatuttaaq imermik saliisarneq pitsanngorsarneqarpoq tamannalu aammattaaq taamaatitsinermut iluaqutaalluarpoq.
– Ilungersorluta sulivugut imermik qalaasseqqaarnissamik inassuteqaatit sinneruttut marluk unitsinneqarnissaannut. Tassalu nunaqarfimmi Isortumi aamma Ammassivimmi. Siunniunneqarpoq ukiup nutaap allartinnerani taassuma taakkunani unitsinneqarnissaa, Mogens Nielsen oqarpoq.

Nukissiorfiit suli sulissutigaat erngup imerneqartussap pitsaassusiata atuisartunut tamanut pitsanngornissaa aamma ingerlatsinerput ingerlaavartumik pitsanngorsarparput, illoqarfinni aamma nunaqarfinni tamatuma pisariaqarnera pisariaqarpat.