Imermit nukissiuuteqarneq pillugu filmiliaq assut soqutigineqarpoq

Nuutoqqami – Nuup Katersugaasiviani init nuannersut marlunngornermi unnukkut Nukissiorfiit filmiutaata naatsup Utoqqarmiut Kangerluarsunnguanni imermit nukissiorfik pillugu persuarsiornanngitsumik takuteqqaarneqarnerani atorneqarput.

Filmip, ukiuni 25-ni imermit nukissiuteqarnerup nalliuttorsiornermut atatillugu suliarineqartup, takutinneqarnerata saniatigut Nukissiorfiit teknikeqarnermut pisortaa Mogens Nielsen Nukissiorfiit ataavartumik tunngaveqartumik nukissiamut tunngatillugu suliaqarneranik oqaluttuarpoq. Tamatuma saniatigut Jens Bjerge, Utoqqarmiut Kangerluarsunnguani Imermit Nukissiorfimmi sananeqarmalli sulisimasoq, apersorneqarpoq. Jens Bjergep Utoqqarmiut Kangerluarsunnguani sulineq oqaluttuaraa, tassa imermit nukissiorfiup atulernerata siornatigut aamma piviusunngornerata kingornatigut.

Filmi naatsoq Nukissiorfiit nittartagaanni aamma Facebook-imi piffissami qaninnerpaamik saqqummiunneqassaaq, taamaalilluni nunami tamarmi innuttaasunut anngunniassammat.
– Uagutsinnut pingaaruteqarpoq Kalaallit Nunaanni imermit nukissiorfinnut tunngatillugu suliagut aamma piginnaaneqarnigut ingerlateqqissallugit. Taamaattumik oqariaqartuut soorunami innuttaasunut ingerlateqqinneqartariaqarpoq, Nukissiorfinni teknikeqarnermut pisortaq Mogens Nielsen, oqarpoq.
Mogens Nielsenip aammattaaq isertuanngilaa katersugaasivimmut taamak amerlatigisut takkunnerisa nuannaarutiginera.

– Inissat pilerngunneqarput aamma uanga nuannaarpunga malugisinnaagakku takkussimasut Nukissiorfiit ulluinnarni sulinerannut assut soqutiginnimmata ilaatigut imermit nukissiuteqarnermut, Mogens Nielsen oqarpoq.

Assini takuneqarsinnaapput Nuutoqqami – Nuup Katersugaasiviani aaqqissuussinermit annertunngitsumit pisut, tassani aggertut, saqqummiussisut aamma sulisut nuannersumik unnussiorpoq.