Issortarfimmut majuartarfiit nutaat

Suliffeqarfiit arlallit kommune suleqatigalugu, Nuummi Nuussuup mannguani NSP-p illuutaaniit Issortarfiup tungaanut majuartarfiit ”Akunnerit” ilavaat.

Majuartarfinnik atuisut majuartarfiit ilaneqarnissaat kissaatigisimavaat, qattunermi aqqutigineqartartoq sivingajaajuvoq. Aasami ujaraaqqat, ukiumilu aput sermerlu aqqummik quatsertitsisarput, tassuunaarnerlu unammillernarsinnaasarluni.

Nukissiorfiit sillimaniarnermut suleqatigiinnissamullu ataatsimiititaliaata ajornartorsiut tamanna januarimili qaqippaat, suliffeqarfiit Issortarfimmiittut kommunelu saaffigalugit. Ataatsimoorlutillu aalajangerput, majuartarfiit ilanissaannut aningaasartuutit agguarniarlugit.

Maannalu ukiup affaa qaangiussimalerpoq, majuartarfiillu ilaneqareerlutik, tassuunaartartullu malugusulereerput.

– Inernera naammagisimaaqaarput, malugusuutigineqarneralu tusallattaalereerlugu, Nukissiorfinni suliniutinut pisortaq, Ole Ziemer oqarpoq, nangillunilu:

– Neriuutigaarput majuartarfiit ilaneqarnerisa kingunerisaannik ajutoornissaraluit pinaveersaartissallugit.

Suliffeqarfiit uku ataatsimoorlutik majuartarfiit ilassutaat aningaasaliiffigaat: Iserit, Greenland Holding, Elplus, Inu:it, Inuplan, Nukissiorfiit aamma Kommuneqarfik Sermersooq.