Qanoq iluarisimaarinnitsigaat?

Ulluni makkunani Nukissiorfiit sullittagai apeqqutinik immersorlugit akineqartussanik tigusaqassapput. Paaserusukkatsigumi sullittakkat Nukissiorfiit sullissinerat qanoq iluarisimaartigineraat.

Nukissiorfinnit kissaatigineqarpoq sapinngisamik pitsaanerpaamik sullittakkanik sullissisarneq. Taamaattumik misissuinermi tassani maannakkut aallartinneqartumi sullittakkat aperineqarput qanoq misigisarnersut Nukissiorfinnut attaveqartarnerminni. Tamakku assersuutigalugit tassaasinnaapput telefonikkut saaffiginnittarfik imaluunniit Nukissiorfiit nittartagaat aqqutigalugit saaffiginninnerit.

Apeqqutinut akissutit Nukissiorfinnut pingaaruteqarput tassami ilisimanerulerniassagatsigu, sullittakkatta pisariaqartitaat aamma kissaatigisaat qanoq akuersaarnissaannut pitsaanerulersinnaanerluta.

Apeqqutit immersorlugit akisassat nunaqarfinni Nukissiorfiit sullittagaannut tamanut agguaanneqassapput. Illoqarfinni sullittagarpassuatsinnut misissuineq sullittakkanut piaarinaatsoorluni toqqakkanut e-mail aqqutigalugu imaluunniit allakkatigut nassiunneqassaaq.

Nukissiorfinni neriuutigaarput sapinngisamik amerlanerpaat periarfissaq atorluarumaaraat uagutsinnut utertitsillutik nalunaaruteqarnissaminnut.

Apeqqutit immersorlugit akisassat najukkami Nukissiorfinnut tunniuneqassaaq imaluunniit mail aqqutigalugu uunga: sekretariat@nukissiorfiit.gl nassiunneqarluni kingusinnerpaamik tallimanngorneq 30. november 2018.