Qassiarsummi imeq imerneqartussaq saligaatsoq

Nukissiorfiit Qassiarsunni imeqarfimmik nutaamik pilersitsereernerisa kingorna nunaqarfimmi innuttaasut imermik imerneqartussamik qalaasseqqaartarunnaassapput.

Nukissiorfiit Qassiarsunni imeqarfik nutaaq atulerpaat imermillu misissuinerit takutippaat, tassa imeqarfimmi nutaami imeq pitsaalluinnartuusoq. Tamatuma kingunerisaanik Nunatta Nakorsaaneqarfiata aamma Pinngortitamut, Avatangiisinut Ilisimatusarnermullu Naalakkersuisoqarfiup Qassiarsunni imermik qalaasseqqaaqqusisarneq taamaatippaat. Taamaalillutik Qassiarsunni innuttaasut imeq imigassartik qalaateqqaartarunnaassavaat. Tamanna 2013-imili inassuteqaatigineqartuugaluarpoq.

Taamatut ittuni siullerpaaq

Qassiarsunni imeqarfik nutaaq imeqarfinni assigiiaartunit, Nukissiorfiit ukiuni aggersuni tulleriaarlugit sanasartagassaanni, siullersaavoq. Ilimagineqarpoq imeqarfiit assigiiaat nutaat nunaqarfinni amerlasuuni erngup imerneqartussap pitsaassusianik annertusititsiumaartut. Qassiarsunni imeqarfiup pitsaassutsimikkut assigiiaartussani ikkussuunnerani aamma ingerlatsinermi misilittakkat nunami aamma sumiiffinni allani atorneqartussanngorput.

“Nuannaarutigaarput Qassiarsunni misilittakkagut nunami maani nunaqarfinnut allanut ingerlateqqissinnaagatsigit, kisianni siullermik nuannaarutigaarput Qassiarsunni sullittakkatta maannakkut imermik imerneqartussamik ajornannginnerusumik pissarsisinnaalernerat.” Nukissiorfiit nunap immikkoortuani pisortaa Lars Hoffmeyer, Qaqortumi, oqarpoq.

Paasissutissat sukumiinerusut pillugit aqutsisoqarnermi allatseqarfimmi pisortaq Joan Bloch Grube oqarasuaatikkut +299 34 95 99 attavigineqarsinnaavoq.