Siunissami periarfissat digitaliusut

Nukissiorfiit siunissami silarsuup digitaliusup paasisaqarfiginissaq qitiutippaa. Tamanna pivoq digitalisering pillugu isumasioqatigiissitsinermi Nukissiorfii sapaatit akunneranni 37-mi Nuummi qullersaqarfimmini ingerlataani, tassani suleqatigisartakkat aamma immikkut ilisimasallit arlallit peqatigineqarput.
– Isumaqasioqatigiinnermit ilisimasanik paarlaateqatigiinneq pissanganartoq ingerlanneqarpoq, Nukissiorfiit pisortaanerat Michael Petersen oqaluttuarpoq, nangillunilu:
– Ini sumiiffigisarput peqataasunit tamani isumassarsiornermit tunniussiviuvoq, siunissamilu aaqqiissutissanut digitaliusunut periarfissat arlallit oqallisigineqarluarput, Michael Pedersen oqaluttuarpoq.

Software-nut robotit, inuit attaveqatigiiffigisartagaat, internet of things aamma machine learning oqaatsit atorneqarluartut ilaannaat tamakkuupput.

Pilertortumik paasinarsivoq digitalisering periarfissarpassuarnik kisissaanngitsunik tunniussaqarsinnaasoq. Minnerunngitsumik nukissiamik aamma imermit pilersuinermi. Aammattaaq erseqqissilluinnarpoq Kalaallit Nunaat aamma Nukissiorfiit peqataalluartut. Kalaallit Nunaanni 2012-imili innaallagissamik, imermik aamma kiassaanermik atuinermut uuttuutit innaallagiartortut nuna tamakkerlugu atorneqalerput, tamannalu nunani arlalippassuarni taamaanngilaq.

Digitaliusuni periarfissat nutaat ilaattut assersuutitut softwarerobotit ilaapput sulianik assigiinnarnerusunik suliaqarsinnaasut, taamaalillutik sulisut piffissaq annertunerusoq ineriartortitsinermut atorsinnaassallugu. Alloriarneq siulleq tamatumunnga tunngasoq Nukissiorfiit isumasioqatigiinnissamut sapaatit akunnerisa ingerlanerini aallartippat, tassa periuseq siulleq softwarerobot ikiortigalugu automatiskiusoq atulerneqarmat
– Nukissiorfinnut pingaaruteqarpoq digitaliseringimut ingerlanneqartumut malinnaanissaq. Qilanaaraarput digitaliseringimi sulinerup ingerlateqqinnissaa sammisani takusinnaasatsinni Nukissiorfinnut iluaqutaasuni – niuernermut, sullitanut aamma sulisunut iluaqutaasumik, Michael Pedersen oqarpoq.