Aasianni innaallagissiorfimmut kiassaataateqarfiutigisumut immikkut pujoorfissaq

Aasianni innaallagissiorfik kiassaataateqarfiutigisoq qanittukkut pujoorfittaaqqissaaq. Tamanna pissaaq nukissiorfiup taassuma nioqqutissiornera annertusarniarlugu

Aasianni innuttaasut takusimassajunnarsivaat innaallagissiorfiup kiassaataateqarfiutigisup eqqaani assaasoqarnera passussisoqarneralu. Suliami tamatumani suliarineqartoq tassaavoq pujoorfitaassap ikkunneqarnissaanut piareersaaneq.

Nukissiorfiit 2013-imi innaallagissiorfimmi kiassaataateqarfiutigisumi immikkut pingaarnermik motooritaarmat taanna pioreersumut pujoorfimmut ikkussorneqarpoq, taamaaliornikkut motoorit pingaarnerit taakku marluk tassunga ikkunneqarlutik. Taamatut taakku atorlugit ukiuni arlalinni ingerlatsinermut misilittagaqareernermi paasineqarpoq tamanna pitsaanerpaamik aaqqiinerunngitsoq. Taamatut periuseqarneq piffissamik aamma aningaasanik sulisunillu ingerlatsinermut aserfallatsaaliusarnermullu piffissaqaataallunilu aningaasartuutaasimavoq, taamaattumillu maannakkut nutaamik pujoorfimmik ikkussisoqarnialerluni.

Pujoorfik nutaaq septembarip qiteqqunnerani Aasiannut apuunneqarnissaa naatsorsuutaavoq, taamaattumillu maannakkut pujoorfiup nukissiorfimmut ikkunneqarnissaa piareersarneqarluni, tamanna najukkami entreprenøri suleqatigalugu ingerlanneqarpoq. Pujoorfissaq nutaaq maannakkut atuuttup portoqatigaa, tassa 41 meterinik portutigaluni, naatsorsuutaavorlu oktobarip qiteqqunnerani ingerlatsilersinnaassasoq.

Nutaamik pujoorfitaarnerup kinguneranik Aasianni innuttaasunut sunniuteqassanngilaq.